Thursday, March 28, 2024

செய்திகள்

புகைப்படத் தொகுப்பு

Home இலக்கியம் மக்கள் புரட்சி வெடிக்கட்டும்! | நகுலேசன்

மக்கள் புரட்சி வெடிக்கட்டும்! | நகுலேசன்

1 minutes read

மக்கள் புரட்சி வெடிக்கட்டும்
என்றபடி
மகத்தான இன்னுயிரை ஈந்து
முப்பத்தி மூன்று ஆண்டுகளானது
இடையிலே என்னென்னவோ
நடந்து முடிந்தது

அவவப்போது வசதிப்படும்போது
கலர் கலராய் பதாகைகள் கட்டி
போட்டியாய் கலர்காட்டும்
புள்ளடி அரசியல் கூட்டங்களுக்கும்
இன்று முடிவு என்றானது

எங்கள் பிள்ளைக்கு அஞ்சலிக்க
அந்நிய நீதிமன்ற தடை உத்தரவு

பேய்கள் அரசாண்டால்
பிணம் தின்னும் சாத்திரங்கள்
பாரதி சொல்லிப்போயும் எத்தனை காலம்

எல்லாம் வெளிச்சமானது
வார்த்தை அரசியல்…
வசதிப்படியான போராட்டம்…
இவற்றால்
ஆவது ஏதும் இல்லை
தெள்ளத் தெளிவானது

உயிர் விடும்வேளை
திலீபன் உரைத்த மொழி
ஒன்றே எங்களை விடுதலை செய்யும்
மக்கள் புரட்சி வெடிக்கட்டும்!

நகுலேசன்

சினிமா

விமர்சனம்

கட்டுரை

வணக்கம் இலண்டன்

Vanakkam London – Sri Lanka, London and world Latest Breaking News and Headlines

@2013 – 2024 | Vanakkam London | All Rights Reserved.

This website uses cookies to improve your experience. We'll assume you're ok with this, but you can opt-out if you wish. Accept Read More