4
நவீன நாடகம் ஆடிய
இலக்கியக் கூத்தர்களின்
இலத்திரனியல்
முகமூடி கிழிந்துபோனது!
முள்ளிவாய்கால் முற்றத்தில்
சூரியன் வீழ்ந்தது என்று
நடுநிலை நாக்குகள்
குரைக்கின்றன!
அவர்கள் சொல்கிறார்கள்
இல்லை இல்லை
சூரியன் உயிரோடுதான்
சுற்றிவருகிறான்!
இவர்கள் சொல்கிறார்கள்
இல்லை இல்லை
அன்றே
சூரியன் உயிர்பிரிந்தது என்று!
நாங்கள் சொல்கிறோம்
தினம் தினம்
சூரியன் உதித்துக்கொண்டே
இருக்கின்றது என்று!
நந்திக் கடலுக்குத் தெரியும்
சூரியன் எழுதிய வரலாற்றுக்கு
இறுதி மரியாதை செய்து
ஒருவரும்
விளக்கேற்றத் தேவையில்லை என்று!
அவனே விளக்கு
அவனே வடக்கு
அவனே கிழக்கு
அவனே வெளிச்சம்!
-வசீகரன்
16.02.2023
லில்லகாமர், நோர்வே
