ஹைதராபாத் அணிக்கு எதிரான போட்டியில் டெல்லி அணியானது 8 விக்கெட்டுகளினால் இலகுவான வெற்றியை பதிவுசெய்துள்ளது.
2021 ஐ.பி.எல். தொடரில் நேற்றிரவு டுபாயில் நடைபெற்ற 33 ஆவது லீக் ஆட்டத்தில் கேன் வில்லியம்சன் தலையைிலான சன்ரைசர்ஸ் ஹைதராபாத் அணியும், ரிஷாப் பந்த் தலைமையிலான டெல்லி கெப்பிட்டல்ஸ் அணியும் மோதின.
போட்டியில் நாணய சுழற்சியில் வெற்றி பெற்ற ஹைதராபாத் அணியானது முதலில் துடுப்பெடுத்தாடி, நிர்ணயிக்கப்பட்ட 20 ஓவர்களின் நிறைவில் ஒன்பது விக்கெட்டுகளை இழந்து 134 ஓட்டங்களை மாத்திரமே பெற்றது.
அணி சார்பில் அதிகபடியாக அப்துல் சமட் 28 ஓட்டங்களையும், ரஷித் கான் 22 ஓட்டங்களையும் அதிகபடியாக பெற்றனர்.
பந்து வீச்சில் டெல்லி அணி சர்பில் ரபடா 3 விக்கெட்டுகளையும், அன்ரிச் நார்ட்ஜே மற்றும் அக்ஷர் படேல் ஆகியோர் தலா 2 விக்கெட்டுகளையும் கைப்பற்றினர்.
135 என்ற இலகுவான வெற்றியிலக்கை நோக்கி பதிலுக்குத் துடுப்பெடுத்தாடிய டெல்லி அணி, 17.5 ஓவர்கள் நிறைவில் 2 விக்கெட்டுகளை இழந்த நிலையில் வெற்றியை பதிவுசெய்தது.
ஆரம்ப வீரர்களான பிரித்வி ஷா 11 ஓட்டங்களுடனும், தவான் 34 பந்துகளில் ஒரு சிக்ஸர், 6 பவுண்டரிகள் அடங்கலாக 42 ஓட்டங்களுடன் ஆட்டமிழக்க மூன்றாவது விக்கெட்டுக்காக ஜோடி சேர்ந்த ஸ்ரேஸ் அய்யர் 47 (41) ஓட்டங்களுடனும், ரிஷாப் பந்த் 35 (21) ஓட்டங்களுடனும் ஆட்டமிழக்காதிருந்தனர்.
இந்த வெற்றியின் மூலம் டெல்லி அணி பட்டியலில் 14 புள்ளிகளை பெற்று, முதலிடத்தில் உள்ளது.
இன்றிரவு டுபாயில் ஆரம்பமாகும் 34 ஆவது லீக் போட்டியில் மும்பை அணியும் கொல்கத்தா அணியும் மோதவுள்ளமையும் குறிப்பிடத்தக்கது.
