அவுஸ்ரேலிய அணிக்கெதிரான முதலாவது ரி-20 போட்டியில், இலங்கை அணிக்கு 150 ஓட்டங்கள் வெற்றி இலக்காக நிர்ணயிக்கப்பட்டுள்ளது.
இரு அணிகளுக்கிடையிலான முதலாவது ரி-20 போட்டி, தற்போது சிட்னி மைதானத்தில் நடைபெற்று வருகின்றது.
இதில் நாணய சுழற்சியில் வெற்றிபெற்ற இலங்கை அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய அவுஸ்ரேலியக் கிரிக்கெட் அணி, நிர்ணயிக்கப்பட்ட 20 ஓவர்கள் நிறைவில் 9 விக்கெட்டுகள் இழப்புக்கு 149 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, பென் மெக்டர்மோட் 53 ஓட்டங்களையும் மார்கஸ் ஸ்டொயினிஸ் 30 ஓட்டங்களையும் ஓட்டங்களையும் பெற்றுக்கொண்டனர்.
இலங்கை கிரிக்கெட் அணியின் பந்துவீச்சில், வனிந்து ஹசரங்க 3 விக்கெட்டுகளையும், துஸ்மந்த சமீர, சமிக்க கருணாரத்ன மற்றும் பினுர பெனார்டோ ஆகியோர் தலா 2 விக்கெட்டுகளையும் பெற்றுக்கொண்டனர்.
தற்போது 150 ஓட்டங்கள் என்ற வெற்றி இலக்கை நோக்கி இலங்கை அணி, தற்போது களமிறங்கவுள்ளது.
