தமிழில் முன்னணி நடிகர்களான கமல்ஹாசன், அஜித், விஜய், சூர்யா என பல ஹீரோக்களுடன் ஜோடி சேர்ந்து நடித்த நடிகை, தனது மகளுக்கு நடனத்தை கற்றுக் கொடுத்து வருகிறார்.
ஜெயம் ரவி நடித்த எம்.குமரன் சன் ஆஃப் மகாலட்சுமி படத்தில் கேரள நாயகி கதாபாத்திரமாக அறிமுகமாகிய அசின் அந்த படத்தில் ஜெயம் ரவியிடம் பேசும் ‘அய்யடா..’ எனும் வசனம் அப்போது பிரபலமாகியது. தொடர்ந்து கஜினி, சிவகாசி, போக்கிரி, தசாவதாரம் என பெரும் ஹீரோக்களின் வெற்றிப்படங்களில் அசின் நடித்தார்.
இதனைத் தொடர்ந்து அப்படியே பாலிவுட்டில் தடம் பதித்த அசின், பின்னர் மைக்ரோமேக்ஸ் துணை நிறுவனரான ராகுல் சர்மாவை காதலித்து கடந்த 2016ம் ஆண்டு ஜனவரி மாதம் திருமணம் செய்தார். இந்த தம்பதியருக்கு தற்போது மூன்று வயதில் அரின் ரயின் என்கிற பெண் குழந்தை இருக்கிறார்.
இந்நிலையில் நடிகை அசின் தனது மகளுக்கு கதக் நடனம் கற்றுக் கொடுத்து வருகிறார். இந்த புகைப்படத்தை தமது சமூக வலைப்பக்கத்தில் பதிவிட்டுள்ள அசின், தமது 3 வயது குழந்தையின் வார இறுதி கதக் பயிற்சி என குறிப்பிட்டுள்ளார்.
