0
ஜீத்து ஜோசப் இயக்கத்தில் வெளியான ‘பாபநாசம்’ படத்தில் கமலின் இளைய மகளாக நடித்து பிரபலமானவர் எஸ்தர். இவர் மலையாளத்திலும் 50-க்கும் மேற்பட்ட படங்களில் நடித்துள்ளார்.
சமூக வலைதளங்களில் ஆக்டிவாக இருக்கும் எஸ்தர் அவ்வப்போது போட்டோஷூட் நடத்தி அதன் புகைப்படங்களை தனது இன்ஸ்டாகிராம் பக்கத்தில் பதிவிடுவதை வழக்கமாக வைத்துள்ளார்.
அந்த வகையில், அவர் தனது சமீபத்திய போட்டோஷூட் குறித்த சுவாரஸ்ய தகவல்களை இன்ஸ்டாகிராமில் பகிர்ந்துள்ளார். அதன்படி, 44 கிலோ எடை கொண்ட அவர், 58 கிலோ எடையுடைய உடையை அணிந்து போட்டோஷூட் நடத்தியதாக அந்த பதிவில் குறிப்பிட்டுள்ளார்.
மேலும் அந்த உடையை வடிவமைக்க தனது ஆடை வடிவமைப்பாளர் 30 நாட்கள் எடுத்துக்கொண்டதாக எஸ்தர் தெரிவித்துள்ளார். இந்த போட்டோஷூட் புகைப்படங்கள் சமூக வலைதளங்களில் வைரலாகி வருகிறது.
