பிக்பாஸ் நிகழ்ச்சியில் கலந்துக் கொண்டு பிரபலமான நடிகர் கணேஷ் வெங்கட்ராம், எப்போதுமே மாடர்ன் கதபாத்திரங்களில் நடித்து வந்தார். ஆனாலும் பெரிய அங்கீகாரம் கிடைக்காமலிருந்தது. இப்போது முழுக்க, முழுக்க கிராமத்துப் பாணியிலான கதைகளைத் தேர்வு செய்து நடிக்க இருக்கிறார்.
இரண்டு இணையத் தொடர்களில் கிராமத்துக் கதை அமைப்பில் நடிக்கிறார். இது பற்றிக் கூறும்போது, கிராமம் தான் தமிழ்நாட்டின் ஆத்மா என்பது புரிந்தது. அதனால் கிராமத்து லுக்கிற்கு மாற முடிவு செய்து தாடி வளர்த்தேன். முழுக்க என்னைக் கிராமத்தானாக மாற்றிக்கொண்டு, இரண்டு இணையத்தொடர்களில் நடிக்கிறேன்.
இந்தத் தொடர்கள் பிற இயக்குநர்களை என்னை வித்தியாசமான கதாபாத்திரங்களில் யோசித்துப் பார்க்க பேருதவியாக இருக்கும். பொதுவாகவே நடிகர்கள் தன்னை புதிது புதிதாக மாற்றிக்கொள்வது மிக முக்கியம். ஒரு கலைஞனுக்கு இந்த மாற்றம் அவசியம் என்றார்.
