காலையில் செய்த இட்லி மீந்து விட்டால் கவலைப்படாதீங்க.. மீந்த இட்லியை வைத்து மாலையில் முட்டை கொத்து இட்லி செய்து கொடுத்தால் குழந்தைகள் முதல் பெரியோர் வரை விரும்பி சாப்பிடுவார்கள்.
தேவையான பொருட்கள் :
இட்லி – 8 முட்டை – 3
இஞ்சி பூண்டு பேஸ்ட் – 1/2 டீஸ்பூன்
பச்சை மிளகாய் – 3
வெங்காயம் – 2
தக்காளி – 1
சோம்பு – 1/2 டீஸ்பூன்
மஞ்சள் பொடி – 1/4 டீஸ்பூன்
மிளகாய் தூள் – 1 டீஸ்பூன்
மிளகுப் பொடி – 1/2 டீஸ்பூன்
தனியா தூள் – அரை தேக்கரண்டி,
கரம் மசாலா தூள் – அரை தேக்கரண்டி
கறிவேப்பிலை, கொத்தமல்லி – சிறிதளவு
எண்ணெய் – 3 டீஸ்பூன்
உப்பு – தேவையான அளவு
செய்முறை :
இட்லியை உதிர்த்து வைத்துக்கொள்ளுங்கள்.
வெங்காயம், தக்காளி, கொத்தமல்லி, ப.மிளகாயை பொடியாக நறுக்கி கொள்ளவும்.
அடுப்பில் கடாய் வைத்து எண்ணெய் ஊற்றி சூடானதும் சோம்பு போட்டு தாளித்த பின்னர் வெங்காயம், பச்சை மிளகாய் சேர்த்து வதக்கவும்.
வெங்காயம் சற்று வதங்கியதும் இஞ்சி பூண்டு பேஸ்ட் சேர்த்து வதக்கவும்.
இஞ்சி பூண்டு பச்சை வாசனை போனவுடன் தக்காளி சேர்த்து குழைய வதக்கவும்.
மஞ்சள் தூள், மிளகாய் தூள், தனியா தூள், மிளகு தூர், கரம் மசாலா தூள் சேர்த்து பச்சை வாசனை போகும் வரை வதக்கவும்.
பின் முட்டை உடைத்து ஊற்றி உதிர்ந்து வரும் வரை வதக்கவும்.
பின் உதிர்த்து வைத்துள்ள இட்லி சேர்த்து பிரட்டவும்.
தேவையான அளவு உப்பு சேர்த்து சிறு தீயில் 5 நிமிடங்களுக்குப் பிரட்டவும்.
இறுதியாக கொத்தமல்லி தூவி அணைத்துவிடுங்கள்.
அவ்வளவுதான் சுவையான மதுரை ஸ்டைல் முட்டை கொத்து இட்லி தயார்.
நன்றி | மாலை மலர்
