மிகவும் சுவையான மாம்பழ பாயாசம் நாம் பல பாயாசங்களை உண்டிருப்போம் இது அதை விட சுவையானதும் வித்தியாசமானதுமான பாயாசம் ஆகும் .
தேவையான பொருட்கள்
மாம்பழக் கூழ் – ஒரு கப்
சீனி – அரை கப்
பால் – ஒரு லீற்றர்
அரிசிக்குருணை – 2 டேபிள்ஸ்பூன்
கேசரி பவுடர் – ஒரு சிட்டிகை
நெய் – ஒரு டேபிள்ஸ்பூன்
முந்திரி, திராட்சை – தலா ஒரு டேபிள்ஸ்பூன்
கண்டென்ஸ்டு மில்க் – 2 டேபிள்ஸ்பூன்
மேங்கோ எசன்ஸ் (விரும்பினால்) – சில துளிகள்
ஏலக்காய்த்தூள் – கால் டீஸ்பூன்
செய்முறை: முந்திரி, திராட்சையை நெய்யில் சிவக்க வறுத்து எடுக்கவும். மீதமுள்ள நெய்யை விட்டு அரிசிக் குருணையைப் போட்டு லேசாக வறுத்து, அதில் பாலை ஊற்றி காய்ச்சவும். அரிசி நன்றாக வெந்து கண்ணாடி போல் ஆகி பால் சிறிது வற்றியதும், கண்டென்ஸ்டு மில்க், சீனி சேர்த்துக் கிளறவும். பிறகு கேசரி பவுடர், ஏலக்காய்த்தூள் சேர்த்துக் கிளறி, மாம்பழக் கூழையும் சேர்க்கவும். எல்லாம் சேர்ந்து கொதித்ததும் கீழே இறக்கி, முந்திரி – திராட்சை, மேங்கோ எஸன்ஸ் சேர்த்துப் பரிமாறவும்.
