மல்லிகை பூக்கும் செய்தி | செல்வை

வெட்கம் பரவும் உன் பெரும் வெளிதனில்

பூத்துக் குலுங்கிவரும் ஆர்வம்
காலையில் பெய்யும் -நின்
அழகு மீட்டல்
அடைமழைக்கு மத்தியில்,
மீண்டும் மீண்டும் உதட்டில்
ஒரு புன் சிரிப்பை
உடனே தயாரித்து கொண்டு வருவதற்குள்,

நேற்று ஒளிச்சேர்க்கை செய்த இரவில்
ஒரு மல்லிகை பூத்திருந்ததை
நான் இப்பொழுது யாருக்கும் சொல்லப்போவதில்லை.

–செல்வை–