உடல் ஆரோக்கியத்திற்கு மட்டுமல்ல. உடல் அழகைப் பராமரிக்கவும் கேரட் உதவும். தினமும் கேரட் ஜூஸ் குடித்து வந்தால் முகம் பளபளப்பாகும்.
தேவையானப் பொருள்கள்:
கேரட் – 1
சின்ன வெங்காயம் – 5
பச்சை மிளகாய் – 1
மஞ்சள் தூள் – சிறிது
முட்டை – 2
உப்பு – தேவைக்கு
தாளிக்க:
எண்ணெய்
கடுகு
உளுந்து
சீரகம்
கடலை பருப்பு
கறிவேப்பிலை
செய்முறை :
வெங்காயம், பச்சை மிளகாயை பொடியாக நறுக்கி வைக்கவும்.
கேரட்டை துருவி கொள்ளவும்.
ஒரு கடாயை அடுப்பில் வைத்து எண்ணெய் சூடானதும் தாளிக்கக் கொடுத்துள்ளப் பொருள்களை ஒன்றன் பின் ஒன்றாகத் போட்டு தாளித்த பின் வெங்காயம், பச்சை மிளகாய் சேர்த்து வதக்கவும்.
பிறகு கேரட், உப்பு, மஞ்சள் தூள் சேர்த்து வதக்கவும்.
கேரட் வதங்கியதும் அதில் முட்டையை உடைத்து ஊற்றிக் கிளறிவிடவும்.
இரண்டும் நன்றாக வெந்து பூப்போல் உதிரியாக வந்ததும் இறக்கவும்.
இப்போது சுவையான கேரட் – முட்டை பொரியல் ரெடி.
இது எல்லா வகையான சாதத்திற்கும் நன்றாக இருக்கும்.
