மர வேர்கள் தாங்கி நிற்கும் மாயக் கோவில்

கோவில் சுவர்களுக்குள்ளும், கோபுரங்களுக்குள்ளும் நுழைந்து வேர்விட்டு அசுர வளர்ச்சியுடன் எழுந்து நிற்கும் மரங்களின் பிரம்மாண்டம், இடிபாடுகளுடன் கூடிய பழங்கால கோவிலை மரக்கிளைகளும் வேர்களும் தாங்கி நிற்கின்றனவா அல்லது கோவில் சுவர்களுடன் பின்னி பிணைந்திருக்கும் மரங்களை கல் சுவர்கள் தாங்கி நிற்கின்றனவா என மனதில் தோன்றும் ஐயம், நீண்ட, இருண்ட முற்றங்கள், கற்குவியலாய் இடிபாடுகள், குறுகிய நடைபாதைகள் நிறைந்த முற்றிலும் அறிந்திராத ஒரு மர்ம பிரதேசத்திற்குள் நுழைகிறோமா என்ற எண்ணம் ஏதோ ஒரு மாயங்கள் நிறைந்த கற்பனை உலகத்திற்கு அழைத்துச் செல்லும் அனுபவத்தையும் பரவசத்தையும் ஒவ்வொரு பார்வையாளருக்கும்  ‘தா ப்ரோம்’ ( Ta Prohm – Ancestor Brahma  எனப்பொருள்படும்  Tā Brahm)  ஆலயம் கண்டிப்பாக அளிக்கும்.