அமெரிக்க துணை ஜனாதிபதி கமலா ஹாரிஸிற்கு கொரோனா தொற்று

0

அமெரிக்காவில் கொரோனா தடுப்பூசி செலுத்தும் பணிகள் தீவிரமாக நடைபெற்று வருகிறது. தடுப்பூசி காரணமாக அந்நாட்டில் வைரஸ் பரவல் மற்றும் உயிரிழப்பு எண்ணிக்கை வெகுவாக குறைந்துள்ளது.

இந்நிலையில், அமெரிக்க துணை ஜனாதிபதி கமலா ஹாரிசுக்கு நேற்று கொரோனா தொற்று உறுதி செய்யப்பட்டுள்ளது.

துணை ஜனாதிபதி கமலா ஹாரிசுக்கு எந்த அறிகுறிகளும் இல்லை என்றும் அவர் ஜனாதிபதி ஜோ பைடன் நெருங்கிய தொடர்பில் இல்லை என்றும் வெள்ளைமாளிகை தெரிவித்துள்ளது.

57 வயதான கமலா ஹாரிஸ், மொடர்னா கொரோனா தடுப்பூசியின் முதல் தடுப்பூசியை பதவியேற்கும் சில வாரங்களுக்கு முன்பும், இரண்டாவது தடுப்பூசியை 2021 இல் பதவியேற்ற சில நாளுக்குப் பிறகும் பெற்றார். தொடர்ந்து அக்டோபர் மாத இறுதியில் ஒரு பூஸ்டர் தடுப்பூசியையும், ஏப்ரல் 1 அன்று கூடுதல் பூஸ்டர் தடுப்பூசியையும் அவர் செலுத்திக்கொண்டமை குறிப்பிடத்தக்கது.