0
மன்னார், முசலி பிரதேச செயலாளர் பிரிவில் உள்ள முள்ளிக்குளம் கடற்படை முகாமில் கடமையில் இருந்த கடற்படைச் சிப்பாய் ஒருவர் யானை தாக்கி உயிரிழந்துள்ளார்.
பொல்பித்திகம பிரதேசத்தைச் சேர்ந்த ஆர்.எம்.எஸ்.பி.ரத்நாயக்க (வயது – 41) என்ற கடற்படைச் சிப்பாயே உயிரிழந்துள்ளார் என்று சிலாபத்துறைப் பொலிஸார் தெரிவித்துள்ளனர்.
இந்தச் சம்பவம் நேற்று மாலை இடம்பெற்றுள்ளது. சடலம் மன்னார் மாவட்ட பொது வைத்தியசாலையில் பிரேத பரிசோதனைக்காக ஒப்படைக்கப்பட்டுள்ளது.
சம்பவம் தொடர்பான மேலதிக விசாரணைகளைச் சிலாபத்துறைப் பொலிஸார் மேற்கொண்டு வருகின்றனர்.
