நாடகமாட வேண்டாம்! – சுமந்திரனைத் தாக்கிய செல்வம்

0

தமிழ்த் தேசியக் கூட்டமைப்பின் மூன்று கட்சிகளும் உள்ளூராட்சி சபைத் தேர்தலில் – தனித்து – பிரிந்து கேட்பது என்று இலங்கைத் தமிழரசுக் கட்சியின் மத்திய செயற்குழுவில் முடிவெடுத்துவிட்டு இப்போது வந்து ஏன் நாடகமாடுகின்றீர்கள் என்று நாடாளுமன்ற உறுப்பினர் சுமந்திரனை நோக்கி கேள்வி தொடுத்தார் ரெலோவின் தலைவர் செல்வம் அடைக்கலநாதன் எம்.பி.

கூட்டமைப்பின் ஒருங்கிணைப்புக் குழுக் கூட்டம் நேற்று இடம்பெற்றபோதே அவர் இந்தக் கேள்வியை முன்வைத்தார்.

தமிழ்த் தேசியக் கூட்டமைப்பின் மூன்று கட்சிகளும் இணைந்து போட்டியிடுவது என்றால், ஒவ்வொரு சபைகளின் ஒதுக்கீடுகள் தொடர்பில் வட்டாரக் கிளைகள், மாவட்டக் கிளைகளுடன் பேச்சு நடத்த வேண்டும் என்று நாடாளுமன்ற உறுப்பினர் சுமந்திரன் தெரிவித்த போதே செல்வம் அடைக்கலநாதன் மேற்படி கேள்வியை எழுப்பினார்.