0
கொழும்பு – கண்டி பிரதான வீதியில் மாவனெல்லை – கணேதன்ன பகுதியில் இடம்பெற்ற பஸ் விபத்தில் ஒருவர் உயிரிழந்துள்ளார்.
அத்துடன், இந்தச் சம்பவத்தில் காயமடைந்த மேலும் 23 பேர் மாவனெல்லை வைத்தியசாலையில் சேர்க்கப்பட்டுள்ளனர்.
கண்டியில் இருந்து கொழும்பு நோக்கிப் பயணித்த இலங்கை போக்குவரத்து சபையின் பஸ் ஒன்றும், நீர்கொழும்பில் இருந்து கண்டி நோக்கிப் பயணித்த தனியார் பஸ் ஒன்றும் மோதிக்கொண்டதில் இந்த விபத்து நேர்ந்துள்ளது.
சம்பவத்தில் மீரிகம பிரதேசத்தைச் சேர்ந்த 59 வயதுடைய நபரே உயிரிழந்துள்ளார்.
காயமடைந்தவர்களில் இரு பஸ்களின் சாரதிகளும் அடங்குகின்றனர் என்று தெரிவிக்கப்பட்டுள்ளது.
விபத்து தொடர்பான மேலதிக விசாரணைகளை மாவனெல்லை பொலிஸார் மேற்கொண்டுள்ளனர்.
