இந்தியர்கள் இனம், குலம் வேறுப்பட்டிருக்தாலும் இந்திய கொடியுடன் இந்திய தேசம் என்ற புதுமையான உணர்வுடன் இருக்கின்றனர்.
அதை விடுத்து குறைகளை கூறிக்கொண்டு சிறந்த திட்டங்களை தடுக்கும் எண்ணத்தில் அங்குள்ளவர்கள் இல்லை. அதுவே அவர்களின் வெற்றிக்கு பிரதான காரணமாக உள்ளது.
எமது நாட்டு இளைஞர்கள் இந்தியாவிடம் இருந்து பல விடயங்களை கற்றுக்கொள்ள வேண்டும் என தேசிய சுதந்திர முன்னணியின் தலைவரும் பாராளுமன்ற உறுப்பினருமான விமல் வீரவன்ச தெரிவித்தார்.
பாராளுமன்றத்தில் வியாழக்கிழமை (24) இடம்பெற்ற அமர்வில் இந்தியாவுக்கு வாழ்த்து தெரிவித்து உரையாற்றும் போது மேற்கண்டவாறு குறிப்பிட்டார்
அவர் மேலும் உரையாற்றியதாவது,
எமது அயல் நாடான இந்தியா சந்திரனுக்கு சென்ற நான்காவது நாடாக வரலாற்று ரீதியில் சாதனை படைத்துள்ளது. ஆகவே நாங்கள் இந்தியாவுக்கு வாழ்த்துக்களை தெரிவித்துக்கொள்கின்றோம்.
அதேபோன்று இந்தியாவின் அதிஷ்டமாக இவ்வளவு செலவு செய்து சந்திரனுக்கு போகும் போது மலசலகூடமின்றி எத்தனை பேர் இருக்கின்றனர், வறுமையில் எத்தனை பேர் இருக்கின்றனர் ,படிக்காதவர்கள் எத்தனை பேர் இருக்கின்றனர் என்றெல்லாம் கூறி அந்த மகிழ்ச்சியை தடுக்கும் கீழ்த்தரமான கலாச்சாரம் இந்திய இளைஞர்களிடம் இல்லை.
இந்தியர்கள் இனம், குலம் வேறுப்பட்டிருக்தாலும் இந்திய கொடியுடன் இந்திய தேசம் என்ற புதுமையான உணர்வுடன் இருக்கின்றனர்.
அதனை விடுத்து அங்குள்ள குறைகளை கூறிக்கொண்டு அதனை தடுக்கும் எண்ணத்தில் அங்குள்ளவர்கள் இல்லை. அதுவே அவர்களின் வெற்றிக்கு பிரதான காரணமாக உள்ளது. எமது நாட்டு இளைஞர்கள் இந்தியாவிடம் இருந்து பல விடயங்களை கற்றுக்கொள்ள வேண்டும் என்றார்.
