பொலிஸ் அதிகாரி ஒருவர் செலுவத்தி வந்த வான் மோட்டார் சைக்கிள் மீது மோதியதில் இரண்டு பெண்கள் உயிரிழந்ததுடன் மூன்று வயது குழந்தையொன்று படுகாயமடைந்துள்ளது.
எப்பாவல பொலிஸ் பிரிவுக்குட்பட்ட தலாவ – கெக்கிராவ வீதியில் கடியாவ சந்திக்கு அருகில் இன்று (04) இந்த விபத்து இடம்பெற்றுள்ளது.
இதில் மாலுலாவ கல்கமுவ பிரதேசத்தைச் சேர்ந்த மோட்டார் சைக்கிளில் பயணித்த 38 மற்றும் 58 வயதுடைய இரண்டு பெண்களே உயிரிழந்தவர்களாவர்.
படுகாயமடைந்த குழந்தை அனுராதபுரம் வைத்தியசாலையில் சேர்க்கப்பட்டுள்ளது.
வானைச் செலுத்தி வந்த பொலிஸ் உத்தியோகத்தருக்கு நித்திரைக் கலக்கம் ஏற்பட்டதால், வான் வீதியை விட்டு விலகி எதிர்த் திசையில் வந்த மோட்டார் சைக்கிள் மீது மோதியதில் இந்த விபத்து ஏற்பட்டுள்ளது.
விபத்தையடுத்து அனுராதபுரம் பொலிஸ் நிலையத்தில் கடமையாற்றும் மேற்படி பொலிஸ் சார்ஜன்ட் கைது செய்யப்பட்டுள்ளார்.
இந்த விபத்தையடுத்து எப்பாவல பொலிஸார் மேலதிக விசாரணைகளை மேற்கொண்டு வருகின்றனர்.
