1
காலி மாவட்டம், எல்பிட்டிய பிரதேச சபைத் தேர்தலுக்கான வாக்கெடுப்பு நடவடிக்கைகள் இன்று சனிக்கிழமை பிற்பகல் 4 மணியுடன் நிறைவடைந்தன.
தற்போது வாக்கெண்ணும் பணிகள் இடம்பெறுகின்றன என்று காலி மாவட்ட தெரிவத்தாட்சி அதிகாரி டபிள்யூ.ஏ. தர்மசிறி தெரிவித்தார்.
இது தொடர்பில் அவர் மேலும் கூறுகையில்,
“எல்பிட்டிய பிரதேச சபைத் தேர்தலுக்கான வாக்கெடுப்பு நடவடிக்கைகள் இன்று சனிக்கிழமை காலை 7 மணி முதல் பிற்பகல் 4 மணி வரை நடைபெற்றது.
வாக்கெடுப்பு நடவடிக்கைகள் மிகவும் அமைதியான முறையில் நிறைவடைந்தன.
தற்போது, வாக்கெண்ணும் பணிகள் இடம்பெறுகின்றன.” – என்றார்.
