பதவி விலகினார் பொலிஸ் ஊடகப் பேச்சாளர்!

சிரேஷ்ட பொலிஸ் அத்தியட்சகர் சட்டத்தரணி புத்திக மனதுங்க, பொலிஸ் ஊடகப் பேச்சாளர் பதவியில் இருந்து விலகியுள்ளார்.

அதற்கமைய, அவர் தனது பதவி விலகல் கடிதத்தைப் பதில் பொலிஸ்மா அதிபர் பிரியந்த வீரசூரியவுக்கு அனுப்பி வைத்துள்ளார்.

தனது தனிப்பட்ட காரணங்களுக்காக அவர் இந்தப் பதவியில் இருந்து விலகியுள்ளார் என்று தெரிவிக்கப்படுகின்றது.

கடந்த டிசம்பர் மாதம் 16 ஆம் திகதி இலங்கை பொலிஸ் ஊடகப் பிரிவின் பணிப்பாளராகவும் பொலிஸ் ஊடகப் பேச்சாளராகவும் அவர் தனது பதவியைப் பொறுப்பேற்றுக்கொண்டமை குறிப்பிடத்தக்கது.