துப்பாக்கிச் சூட்டில் ஆண் ஒருவர் பலி! – பெண் ஒருவர் படுகாயம்

ஹிக்கடுவையில் இடம்பெற்ற துப்பாக்கிப் பிரயோகத்தில் ஆண் ஒருவர் உயிரிழந்துள்ளதுடன் பெண் ஒருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளா்.

ஹிக்கடுவை, குமாரகந்த பகுதியில் இன்று புதன்கிழமை இரவு 7 மணியளவில் இந்தத் துப்பாக்கிச் சூட்டுச் சம்பவம் இடம்பெற்றுள்ளது.

துப்பாக்கிச் சூட்டில் படுகாயமடைந்த இருவரும் காலி, கராப்பிட்டிய வைத்தியசாலையில் அனுமதிக்கப்பட்ட நிலையில் 51 வயதுடைய ஆண் சிகிச்சை பலனின்றி உயிரிழந்துள்ளார் என்று பொலிஸார் தெரிவித்தனர்.

மோட்டார் சைக்கிளில் வந்த நபர் ஒருவரால் இந்தத் துப்பாக்கிச் சூடு நடத்தப்பட்டுள்ளது என்று பொலிஸார் மேலும் குறிப்பிட்டனர்.