0
கடந்த 24 மணி நேரத்தில் மட்டும் 3332 பேர் கொரோனாவுக்கு பலியானதை அடுத்து, அமெரிக்காவில் இறப்பு எண்ணிக்கை 50 ஆயிரத்தை தாண்டியுள்ளது.
புதிதாக 27 ஆயிரம் பேருக்கு தொற்று பரவியதை தொடர்ந்து கொரோனா தொற்று பாதித்தவர்களின் எண்ணிக்கையும் 8 லட்சத்து 69 ஆயிரம் உயர்ந்துள்ளதாக ஜான்ஸ் ஹாப்கின்ஸ் மருத்துவ பல்கலைக்கழகம் தெரிவித்துள்ளது.
கொரோனா தொற்றால் ஏற்பட்டுள்ள பொருளாதார முடக்கம் காரணமாக அமெரிக்க தொழிலாளர்களில் 6 ல் ஒருவர் வேலையிழந்து விட்டதாகவும்,கடந்த 5 வாரங்களில் இரண்டு கோடியே 60 லட்சம் அமெரிக்கர்களுக்கு வேலை போய் விட்டதாகவும் கூறப்படுகிறது.
கொரோனா பரிசோதனைகள் நடத்துவதில் தாமதம் ஏற்பட்டுள்ளதால், தொற்று எண்ணிக்கை இப்போது கிடைத்துள்ள புள்ளி விவரங்களை விடவும் அதிகமாக இருக்கும் என கூறப்படுகிறது.
