0
அமெரிக்காவின் இன்டர் மிலாமி கழகத்தில் இணையவுள்ள மெஸ்ஸி ஆர்ஜன்டீன நட்சத்திர கால்பந்து வீரர் லியோனல் மெஸ்ஸி பிரான்ஸின் பாரிஸ் செயின் ஜெர்மைன் கழத்தில் இருந்து வெளியேறிய பின் இக் கழகத்தில் இணையவுள்ளதாக அறிவித்துள்ளார்.
35 வயதான மெஸ்ஸி மீண்டும் பார்சிலோன கழகம் திரும்புவது பற்றி கூறப்பட்டபோதும் நிதி நியாயத் தன்மை தொடர்பான கட்டுப்பாடு காரணமாக அது சாத்தியமில்லாமல் போயுள்ளது. அதேபோன்று சவூதி அரேபியாவின் அல் ஹிலால் கழகத்தில் இருந்து அவருக்கு பெரும் தொகைக்கு அழைப்பு வந்தது.
தாம் மியாமி செல்ல முடிவெடுத்திருப்பதாகவும் ஒப்பந்தம் இன்னும் முழுமை பெறவில்லை என்றும் அவர் ஸ்பானியச் செய்தித்தாள்களிடம் கூறினார். அங்கு கால்பந்தை வேறு விதமாக அனுபவிக்கப்போவதாக அவர் குறிப்பிட்டுள்ளார். “பணத்திற்கு முக்கியத்துவம் கொடுத்திருந்தால் சவூதி அரேபியா அல்லது வேறு எங்கேயாவது சென்றிருப்பேன்” என்றார் மெஸ்ஸி.
