ஈழத்து இசையமைப்பாளர் ஸ்ரீ குகனின் இசையமைப்பில் உருவான 100 ஶ்ரீ குகன் 100 – வெளியீட்டுவிழா அண்மையில் (18.10.2024) நாச்சிமார் கோயிலடி சரஸ்வதி மண்டபத்தில் இடம் பெற்ற வேளை பிரதம விருந்தினராக கலந்து சிறப்பித்த யாழ்.பல்கலைக்கழக முன்னாள் துணை வேந்தர் பேராசிரியர் என்.சண்முகலிங்கன் மேற்கண்டவாறு குறிப்பிட்டார்.
அவர் மேலும் உரையாற்றுகையில் ’எங்கள் பாரம்பரிய இசைக்கலைஞர் சுப்பையாபிள்ளையின் பேரன்; கதாகாலக்ஷேப கலைஞர் கணேச சுந்தரத்தின் புதல்வன்; மாரபார்ந்த கலைஞானம் ,பயில்வு -இவற்றினடியான படைப்பாக்கதிறன் ;கூடவே நவீன தொழினுட்ப த்திலான தாடனம்; இவற்றின் சங்கமமாய் எங்கள் தலங்களை பாடல் பெற்ற தலங்களாக்கும் ஶ்ரீ குகன் படைப்பாக்கம், பண்பாட்டு பெறுமதியானது, பக்தி இயக்கத்தின் விரிவாக்கமாகவும் தமிழிசையில் படிமலர்ச்சியாகவும் தொடர்வது ; இவ்விசையாக்கத்தில் கலந்த கவிஞர்கள், பாடகர்கள், இசையாக்கத்திற்கு ஆதரவான ஆலய தர்மகர்த்தாக்கள் எம் பாராட்டுக்குரியவர்கள் ‘என்றார்.
வடக்கு மாகாணசபை அவைத்தலைவர் சீ.வீ.கே.சிவஞானம் தலைமையில் இடம்பெற்ற இந்நிகழ்வில் சிறப்புவிருந்தினராக கவிஞர் ஜெயசீலன், இசைவாணர் கண்ணன் ஆகியோர் கலந்து சிறப்பித்தனர் .
கவிஞர் வேலணையூர் சுரேஷ் வரவேபுரை வழங்கினார்.கல்வியியல் விரிவுரையாளர் இ. சர்வேஸ்வரா வெளியீட்டுரை நிகழ்த்தினார், பிரதம விருந்தினர் பேராசிரியர் சண்முகலிங்கன் இசை இறுவெட்டினை வெளியிட்டு வைத்தார்; முதல் பிரதியினை ச,சஞ்சீவ்பாபு பெற்றுக் கொண்டார். கவிஞர் வீரா நயப்புரை வழங்கினார், நிகழ்வில் ஏழிசை மிருதங்க நர்த்தனாலய மாணவிகளின் நாட்டிய அர்ப்பணமும் ஶ்ரீ குகன் இசையில் சப்தஸ்வரா இசைக்குழுவினரின் இன்னிசை கானங்களும் இடம்பெற்றன.
