ஏ.ஆர்.முருகதாஸ் இயக்கதில் விஜய் நடித்த துப்பாக்கி தமிழில் பெரிய ஹிட். இப்போது முருகதாஸ் துப்பாக்கியை, ஹாலிடே என்ற டைட்டிலில் இந்தியில் ரீமேக் செய்து வருகிறார். விஜய் கேரக்டரில் அக்ஷய் குமார் நடிக்கிறார். காஜல் அகர்வால் கேரக்டரில் சோனாக்ஷி சின்ஹா நடிக்கிறார். இந்தப் படத்தில் விஜய்யை கௌரவ தோற்றத்தில் நடிக்க வைக்க அக்ஷய் குமார் விருப்பம் தெரிவித்துள்ளார். காரணம் அவரின் ரவுடி ரத்தோர் படத்தில் விஜய் ஒரு பாட்டில் அக்ஷய் குமாருடன் ஆடினார். அதேபோல இந்தப் படத்திலும் ஒரு காட்சியிலாவது அவர் நடிக்க வேண்டும் என்று அக்ஷய் விரும்புகிறார்.
அதேபோல ஏ.ஆர்.முருகதாசும் விஜய்யை வைத்து நேரடி இந்திப் படம் ஒன்றை இயக்கும் திட்டத்தில் இருக்கிறார். இதனால் விஜய்யை மெல்ல மெல்ல இந்தி ரசிகர்களுக்கு அறிமுகப்படுத்தும் விதமாக அவரை இதில் நடிக்க வைக்க இருப்பதாக கூறப்படுகிறது. இது குறித்து விஜய்யிடம் தகவல் தெரிவிக்கப்பட்டு விட்டதாகவும், பாடல் காட்சி வேண்டாம் புதிதாக ஒரு கேரக்டர் உருவாக்கினால் அதில் ஓரிரு காட்சிகளில் நடிக்க தயாராக இருப்பதாகவும் விஜய் தரப்பிலிருந்து பதில் அளிக்கப்பட்டிருக்கிறதாம்.
சிலிப்பர் செல்லை கூண்டோடு அழிக்கும் அக்ஷய் குமார் டீமை பாராட்டி அவர்களுக்கு பதக்கம் அணிவிக்கும் உயர் ராணுவ அதிகாரியாக விஜய் நடிக்கலாம் என்றும், இந்த காட்சி படத்தின் இறுதி காட்சியாக இருக்கும் என்றும் கூறப்படுகிறது.
