155
மேக கருமுகில்களாய் எம் உறவுகள்
கதறித் துடித்தநாள்
தமது தாய்மண்ணை முத்தமிட்டு
உயிர்விட்ட கொடிய நாள்
விடியல் எனும் தாகம் சுமர்ந்து
புதையுண்ட இருண்ட நாள்
பதுங்கு குழிகளினுள் எம் முகங்கள்
கருகி வாடிய நாள்
எம் உறவுகளின் மேலே எம் உறவுகளே
ஏறி நடந்த இறுதி நாள்
கைக் குழந்தை பசியினால்
தன் தாயின் மார்பு தேடிய கடைசி நாள்
உறவுகளைக் காணாது விழியிரண்டில்
நீர்வடிய அழுத நாள்
முன் நகர்தல்கள் கானல் நீராய்
மாயமான நாள்
முள்ளிவாய்க்கால் பூமியில்
தமிழ் இரத்தம் படிந்த செங்குருதி நாள்
இவைகள் மட்டுமல்ல இன்னும் பல
எதனை மறப்போம்
மகிழையாள்..
.
நன்றி : tamilcnn.lk
