0
இந்தியாவில் அதிகளவானோர்உயிரிழக்க சாலை விபத்துக்களே காரணம். அதிகம் சாலை விபத்துக்கள் நடைபெறும் மாநிலங்களின் பட்டியலில் தமிழகம் தொடர்ந்து முன்னிலை வகிப்பதோடு, தமிழகத்தில் அதிகம் விபத்துகள் நடைபெறும் நகரங்களில் கோவைஇரண்டாவது இடத்தில் உள்ளது.
கோவையில் நிகழும்70% விபத்துகளுக்கு விதிகளை மதிக்காமல் நடந்து கொள்வதும், மிதமிஞ்சிய வேகமும், குடித்துவிட்டுவாகனங்களை ஓட்டுவதும் தான் காரணம் என்கிறது புள்ளிவிபரம். அந்தவகையில்கோவையில் சாலை விபத்துகளினால் உண்டாகும் உயிரிழப்பு, உடல் ஊனம் ஆகியவற்றைத் தவிர்க்கவும், மக்களிடையே விழிப்புணர்வைஏற்படுத்தவும்கோவையில் ‘உயிர்’ எனும் அமைப்பு உருவாக்கப்பட்டுள்ளது.
இவ்வமைப்பிற்கான தொடக்கவிழா நாளை கோவை கொடீசியா வளாகத்தில் நடைபெற உள்ளது. தமிழக முதல்வர் பழனிச்சாமி இவ்வமைப்பினைத் துவக்கி வைக்க இருக்கிறார்.
எதிர்காலத்தில் இந்தியாவிலே சாலை விபத்துகளற்ற நகரம் எனும் பெருமையை கோவைக்குத் தேடித்தருவதும், இத்திட்டங்களை பிற நகரங்களுக்கு விஸ்தரிப்பதும் இவ்வமைப்பின் முக்கிய செயல்முறைத் திட்டம் என்பதுடன், இவ்வமைப்புடன் இணைந்து செயற்பட பல்வேறு அமைப்புக்கள் முன்வந்துள்ளதாகவும் தெரிவிக்கப்பட்டுள்ளது.
