அமெரிக்கா – டெக்சஸ் மாநிலத்தில் ஆற்றில் மூழ்கிய ஜீப்பில் இருந்து 2 நாட்களின் பின்னர் பெண் ஒருவர் உயிருடன் மீட்கப்பட்டுள்ளார்.
இது தொடர்பில் The Guardian செய்தி வெளியிட்டுள்ளது.
அப்பெண்ணை, இம்மாதம் 5ஆம் திகதி முதல் காணவில்லை எனப் பொலிஸ் நிலையத்தில் முறைப்பாடு செய்யப்பட்டுள்ளது.
இந்நிலையில், இரண்டு நாட்களின் பின்னர் இம்மாதம் 7ஆம் திகதி உள்ளூர் மீனவர் ஒருவர், கருப்பு நிற ஜீப் ஒன்று கிட்டத்தட்ட முழுமையாக மூழ்கிய நிலையில், ஆற்றில் கிடந்ததைக் கண்டுள்ளார். இது தொடர்பில் அவர் அதிகாரிகளுக்குத் தகவல் வழங்கியுள்ளார்.
ஜீப்பின் கூரை மட்டுமே ஆற்றிலிருந்து வெளியே தெரிந்ததாக The Guardian சுட்டிக்காட்டியுள்ளது.
சம்பவ இடத்துக்குச் சென்ற அதிகாரிகள், ஜீப்பை நீரிலிருந்து வெளியே மீட்டனர். அப்போதுதான் உள்ளே ஒரு பெண் இருப்பதை அவர்கள் கண்டுள்ளனர். உடனடியாக அப்பெண்ணை பாதுகாப்பாக மீட்ட அதிகாரிகள், அவரை வைத்தியசாலையில் அனுமதித்துள்ளனர்.
