எனக்கும் எனது குடும்பத்துக்கும் உயிர் அச்சுறுத்தல்! – சபாநாயகரிடம் முறையிட்ட ரொஷான்

0

“எனக்கும் எனது குடும்பத்தினருக்கும் உயிர் அச்சுறுத்தல் இருக்கின்றது. இதனைச் சபாநாயகரின் கவனத்துக்குக் கொண்டு வருகின்றேன்” – என்று விளையாட்டுத்துறை அமைச்சர் ரொஷான் ரணசிங்க இன்று நாடாளுமன்றத்தில் உரையாற்றும்போது தெரிவித்தார்.

“எனது 13 வருட அரசியல் வாழ்க்கையில் யாரிடம் எந்தக் கொடுக்கல் – வாங்கலிலும் ஈடுபடவில்லை. அரச செலவில் விமானத்தில் சென்றதில்லை. மானிய எரிபொருள் வாங்கியதில்லை” – என்றும் அவர் குறிப்பிட்டார்.

அண்மையில் இலங்கை கிரிக்கெட் நிறுவனத்தில் இடம்பெற்ற ஊடக மாநாட்டில் நிறுவனத் தலைவர் சம்மி சில்வா கூறியதைச் சபையில் சுட்டிக்காட்டிய அமைச்சர் ரொஷான் ரணசிங்க, தன்னை அச்சுறுத்தும் விதத்தில் சம்மி சில்வா கருத்துக்களை முன்வைத்தார் என்றும் குற்றம் சாட்டினார்.