கிளிநொச்சியில் இடம்பெற்ற கோர விபத்தில் குடும்பஸ்தர் ஒருவர் சம்பவ இடத்திலேயே உயிரிழந்துள்ளார்.
யாழ்ப்பாணம் – ஏ 9 வீதியில் கிளிநொச்சி, 155ஆம் கட்டையில் இன்று காலை 8 மணியளவில் இந்த விபத்து இடம்பெற்றுள்ளது.
இதன்போது கனகாம்பிகைக்குளம் பகுதியைச் சேர்ந்த அருள்நேசன் அருள்வதனன் என்ற இரண்டு பிள்ளைகளின் தந்தையே உயிரிழந்துள்ளார்.
ஆட்களை ஏற்றுவதற்காக 155 ஆம் கட்டை சந்தியில் குறுந்தூர பஸ் தரிப்பிடத்தில் நிறுத்தப்பட்ட பஸ்ஸை மோட்டார் சைக்கிளில் வந்தவர் முந்திச் செல்ல முற்பட்ட வேளை, அதே திசையில் வந்த பாரவூர்தி மோட்டார் சைக்கிளை மோதித் தள்ளியதில் விபத்து இடம்பெற்றுள்ளது.
மோட்டார் சைக்கிளில் பயணித்த நபரே உயிரிழந்துள்ளார்.
பாரவூர்தியின் சாரதி கிளிநொச்சி பொலிஸ் நிலையத்தில் சரணடைந்தமையையடுத்து கைது செய்யப்பட்டுள்ளார்.
விபத்து தொடர்பான மேலதிக விசாரணைகளைக் கிளிநொச்சி பொலிஸார் முன்னெடுத்து வருகின்றனர்.
