தேவையான பொருட்கள்:
தயிர் – 1 கப்
வெண்டிக்காய் – 100 கிராம்
மஞ்சள் தூள் -1 தேக்கரண்டி
பச்சை மிளகாய் – 2
எண்ணெய் – தேவையான அளவு
கடுகு, உளுந்தம் பருப்பு – 1 சிறிதளவு
கருவேப்பிலை – சிறிது
சீரகம் – 1 தேக்கரண்டி
தேங்காய் – கால் மூடி
பொட்டுக்கடலை – 1 மேசைக்கரண்டி
கொத்தமல்லி – சிறிது
தாளிக்க வேண்டிய பொருட்கள்:
எண்ணெய்
கடுகு, உளுந்தம் பருப்பு
கருவேப்பிலை
சீரகம்
அரைக்க வேண்டிய பொருட்கள் :
தேங்காய்
பொட்டுக்கடலை
செய்முறை:
- முதலில் வெண்டிக்காயை வெட்டிக் கொள்ளவும்.
- பின்னர் மஞ்சள் தூளையும் தயிரையும் மிக்ஸ் செய்து தனியாக வைத்துக் கொள்ளவும்.
- அதன் பின்னர் அரைக்கக் கொடுத்துள்ள பொருட்களை அரைத்து வைத்துக் கொள்ளவும்.
- பின்பு கடாயில் எண்ணெய் ஊற்றி தாளிக்க கொடுத்துள்ள பொருட்களை போட்டு தாளித்து அத்துடன் வெட்டி வைத்துள்ள பச்சை மிளகாய், வெண்டிக்காய் ஆகியவற்றை சேர்த்து வதக்கவும்.
- வதக்கிய பின்பு மிக்ஸ் செய்து வைத்த தயிரை ஊற்றவும்.
- அத்துடன் அரைத்து வைத்த தேங்காய் மசாலாவையும் சேர்க்கவும்.
- பின்னர் தேவையான அளவு உப்பு போட்டு நன்கு கொதிக்க விட்டு, கொத்தமல்லி தூவி சிறிது நேரம் வைத்து இறக்கவும்.
- வெண்டிக்காய் மோர் குழம்பு தயார்.
இதை சோறுடன் சேர்த்து சாப்பிட்டால் மிகவும் நன்றாக இருக்கும்.
சுவஸ்த்திக்கா ரெங்கராஜ்