Saturday, September 25, 2021

இதையும் படிங்க

மெய்நிகர் வழிபாடு: பேராசிரியர் கலாநிதி என். சண்முகலிங்கன்

                                     VIRTUAL WORSHIP               பேராசிரியர் கலாநிதி என். சண்முகலிங்கன்                                       முன்னாள்...

காணாமல் ஆக்கப்படுதல் என்பது இனவழிப்பின் உபாயமே! | தீபச்செல்வன்

ஈழத் தீவில் காணாமல் ஆக்கப்படுதல் என்பது ஒரு இனத்தை துடைப்பதற்கான பெரு உபாயமாக கையாளப்படுகிறது. இங்கே நிலம் காணாமல் போகிறது. கடல் காணாமல் போகிறது. காடுகள் காணாமல் ஆக்கப்படுகின்றன....

பண்டார வன்னியனும் பண்டாவின் கூட்டமும்: த. செல்வா

வன்னி மண்ணின் இறுதி மன்னன் மாவீரன் பண்டாரவன்னியன் முல்லைத்தீவு கோட்டையை 1803 ஆம் ஆண்டு ஆங்கிலேய படைகளிடமிருந்து...

எஞ்சிய தமிழர்களையும் காணாமல் ஆக்கவே காணாமல் போனோர் அலுவலகம்!

அவதானிப்பு மையம் சுட்டிக்காட்டல் ஜெனீவாலில் மீண்டும் தமிழ் மக்களை ஏமாற்றிவிட்டு ஈழத் தீவில் இன்னொரு இனவழிப்பை அரங்கேற்றவே கிளிநொச்சியில்...

பனம்பழஞ் சூப்பி | ஜூட் பிரகாஷ்

யாழ்ப்பாணத்திலிருந்து தம்பி செந்தூரன் தபாலில் அனுப்பிய பொதி நேற்று பத்திரமாக மெல்பேர்ண் வந்தடைந்தது. மறந்தும் மறவாத மண்ணின் வாசனையை...

மட்டன் கொத்துரொட்டி சாப்பிட விருப்பமான மூன்று பேரை சொல்லு என்றால் | யூட் பிரகாஷ்

இன்றிரவு கடவுள் தோன்றி, நாளை இரவு உன்னோடு அந்த மாதிரி ருசியான மட்டன் கொத்துரொட்டி சாப்பிட, உனக்கு விருப்பமான மூன்று பேரை சொல்லு,...

ஆசிரியர்

ஈழம் இன்று நேற்று தோன்றிய பெயரல்ல! தீபச்செல்வன்

ஒருமுறை விடுதலைப் புலிகளின் கட்டுப்பாட்டுப் பகுதியிலிருந்து இலங்கை இராணுவ சோதனைச்சவாடி ஊடாக யாழ்ப்பாணத்திற்கு சென்று கொண்டிருந்தபோது, எனது புத்தகப் பையில் இருந்த இருபதாம் நூற்றாண்டு ஈழத் தமிழ் இலக்கியம் என்ற புத்தகத்தை ஒரு வெடிகுண்டைப் போல மீட்டெடுத்தனர் இராணுவத்தினர். அப் புத்தகத்தில் இருந்த ஈழம் என்ற சொல்லைக் கண்டே அவர்கள் பீதியுற்றனர். அந்தக் காலத்தில் தமிழீழம் என்ற சொல்லுடன் ஈழம் என்ற சொல்லும் புலிகளின் கட்டுப்பாட்டுப் பகுதிக்கு வெளியிலும் புழக்கத்தில் இருந்தது. விடுதலைப் புலிகளின் காலத்தில் மாத்திரமல்ல இன்றும் ஈழம் என்ற பெயர் மாத்திரமல்ல தமிழ் என்ற பெயரும்கூட சிங்கள தேசத்திற்கு ஒவ்வாமையாகத்தான் இருக்கின்றது.

போருக்குப் பிறகு, சமீபத்திய சில ஆண்டுகளின் முன்னர் கிளிநொச்சியில் உலக உருண்டையில் திருவள்ளுவரின் சிலை திறந்து வைக்கப்பட்டது. அதில் உலகின் நாடுகளின் பெயர்கள் எழுதப்பட்டிருந்தது. அதில் சில நாடுகளின் பூர்வீகப் பெயர்களும் எழுதப்பட்டன. இலங்கையின் பெயர் எழுதப்பட்டு அடைப்புக்குறிக்குள் ஈழம் என்று எழுதப்பட்டிருந்தது. இலங்கையின் ஒட்டுமொத்த நிலப்பரப்பிற்கும் அந்தப் பெயர் சூட்டப்பட்டதேவொழிய வடக்கு கிழக்குப் பகுதிக்கு அப்பெயரிடப்படவில்லை. அந்தத் திருவள்ளுவர் சிலைமீது எழுதப்பட்ட ஈழம் என்ற சொல் இரவோடு இரவாக கறி பூசி அழிக்கப்பட்டது. இனந்தெரியாத மர்ம நபரிகளினால் அழிக்கப்பட்டதாக சொல்லப்பட்டது. அத்துடன் அழிக்கப்பட்ட இடத்தில் தமிழை எழுதத் தெரியாத கைகளினால் சிறிலங்கா என்று எழுதப்பட்டும் இருந்தது.

அத்துடன் அந்த சிலையை அமைப்பித்த கிளிநொச்சி தமிழ் சங்க தலைவர் இறைபிள்ளைக்கு எதிராக விசாரணையும் நடாத்தப்பட்டது. பின்னதாக நீதிமன்றத்திலும் வழக்கு தொடரப்பட்டிருக்கிறது.

இதைப்போலவே இன்னொரு சம்பவமும் மிகச் சமீபத்தில் நடந்திருக்கிறது. பிரித்தானியாவில் இருந்து வெளியாகும் கார்டியன் இணையத்தளம் தன்னுடைய புதிர் போட்டி ஒன்றில், தீவுகள் குறித்தவொரு கேள்வியில், ஈழம் என்பது எந்தப் பிரபலமான தீவின் பூர்வீகப் பெயர்? என்றவொரு கேள்வியை வாசகர்களிடையே எழுப்பியிருந்தது. இதற்கு எதிராக இலங்கை அரசாங்கம் கடிதம் ஒன்றை எழுதியிருந்ததும் யாவரும் அறிந்த விசயம்தான்.

இந்த வினாவிற்கான பதில் தெரிவுகளில் ஒன்றாக இலங்கையும் பட்டியலிடப்பட்டுள்ளதுடன், ஒருவர் இலங்கையை பதிலாகத் தேர்ந்தெடுத்து, அதை சரியான பதிலாகக் குறிப்பிடுகையில், ‘இந்தத் தீவின் அண்மைய கிளர்ச்சி அமைப்பின் முழுப் பெயர் எல்.ரீ.ரீ.ஈ. – தமிழீழ விடுதலைப் புலிகள்’ எனும் மேலதிக விளக்கமும் அளிக்கப்பட்டுள்ளது.  இந்தத் தகவலின் தவறான தன்மை காரணமாக அதனை நீக்குமாறும் மன்னிப்புக் கோருமாறும் பிரித்தானியாவிற்காக இலங்கை தூதரகம் த கார்டியன் செய்திப் பத்திரிகையின் ஆசிரியருக்கு கடிதமொன்றை அனுப்பியது.

இராணுவ மட்டத்திலிருந்து, உயர் இராஜதந்திர மட்டங்கள் வரையும் ஈழம் என்ற சொல்லானது பெரும் ஒவ்வாமையை ஏற்படுத்தியிருக்கிறது. ஈழத் தமிழ் மக்களை ஈழத் தமிழர் என்று அழைக்காதே சிறீலங்கன் என்று அழை என நிர்பந்திகின்ற செயலுக்கு இது ஒப்பானது. ஈழத் தமிழ் மக்களின் பண்பாடு, வரலாறு, அடையாளங்கள் என்பன மிகப் பழமையான பண்பாட்டை கொண்டவை. அதில் ஒன்றே ஈழத்தவர் என்ற பெயரும். சிங்களத்திற்கு மிக மிக முற்பட்ட ஈழத்தை எவரலாலும் இல்லாமல் செய்ய இயலாது.

ஈழம் என்பது இன்று நேற்று தோன்றிய பெயரல்ல. அதற்கு இரண்டாயிரம் வருடங்களுக்கு முற்பட்ட வரலாறு இருக்கின்றது. பண்டைய காலத்தில் இருந்தே இலங்கைத் தீவு ஈழம் என்று அழைக்கப்பட்டு வந்துள்ளது. பழைமையான பாடப் புத்தகங்களில் அரிச்சுவடிகளில்கூட ஈ என்ற எழுத்துக்கு ஈழம் என்ற சொல்லே அறிமுகப்படுத்தப்பட்டது. அத்துடன் தமிழ் பாடப் புத்தகங்கள் அனைத்திலும் ஈழம் என்ற சொல் பயன்படுத்தப்பட்டு வந்துள்ளது. இதைவிட ஸ்ரீலங்கா தேசிய கீதத்தின் தமிழ் மொழிபெயர்ப்பில் ஈழசிரோமணி என இத் தீவு அழைக்கப்பட்டுள்ளது.

ஈழம் என்பது இலங்கைக்கு வழங்கப்பட்ட மறுபெயர். இலங்கையில் பூர்வீகக் குடிகளாக ஈழத் தமிழ் மக்கள் வாழ்ந்து வருகின்றனர் என்பது ஆதாரபூர்வமான விடயம். தமிழும் சைவமும் தழைத்தோங்கிய நிலமாகவும் அது ஈழம் என்றும் அழைக்கப்படுவதற்கு ஏராளம் சான்றுகள் உண்டு. இலங்கையின் பிற இன மக்கள் வெவ்வேறு கால கட்டத்தில் இத் தீவில் குடியேற்றம் செய்யப்பட்டுள்ளனர். விஜயனின் வருகை சிங்களவர்களின் வருகையாகவும் சங்கமித்திரையின் வருகை பௌதத்த்தின் வருகையாகவும் கருதப்படுகிறது.

ஆனால் ஈழத்தின் பஞ்ச ஈச்சரங்கள் இங்கே தமிழும் சைவமும் நிலவியமைக்கு பெரும் சான்றுகள். அவை கிறிஸ்துவுக்கு முற்பட்ட கால வரலாற்றைக் கொண்டவை. கி.மு 2ஆம் நூற்றாண்டில் ஈழ என அழைக்கப்பட்ட தொல்லியல் சான்று வன்னி மண்ணில் கண்டுபிடிக்கப்பட்டது. அதைப்போல வடக்கு கிழக்கிற்கு வெளியில் ஈழ நாகன் என்ற மன்னன் அனுராதபுரத்தை  கி.பி முதலாம் நூற்றாண்டில் ஆட்சி செய்துள்ளான். ஈழத்திற்கு வெளியில் தமிழகத்தின் சங்ககாலத்தில் எழுந்த பட்டினப்பாலை என்ற நூல் இத் தீவை ஈழம் என்றே அழைத்திருக்கிறது. அதில் ஈழத்து உணவும், காழகத்து ஆக்கமும் எனச் சித்திரிக்கப்பட்டுள்ளது.

தமிழகத்தில் இலக்கியங்களில் மாத்திரமின்றி இன்றுவரையில் பேச்சிலும் ஈழம் என்றே அழைக்கப்பட்டு வருகின்றது. தமிழகத்தில் காலம் தோறும் எழுந்த இலக்கியங்கள் பலவும் ஈழம் என அழைத்து வந்திருக்கிறது. அதேபோன்று சோழர்களின் ஆட்சியில் ‘ஈழ மும்முடிச்சோழ மண்டலம்’ என இலங்கைத் தீவு அழைக்கப்பட்டு வந்துள்ளது. சங்க காலத்தில் மாத்திரமின்றி, பல்லவர் கால பக்தி இலக்கியங்களிலும் ஈழத்தின் வரலாற்று தொன்மை பாடப்பட்டிருக்கிறது. பின் வந்த காலத்தில் திருமூலர் ஈழத்தை சிவபூமி என அழைக்கிறார்.

பிரித்தானியர் கால ஆவணங்களிலும் அக்காலத்தில் எழுந்த பத்திரிகை மற்றும் நூல்களிலும் ஈழம் என்றே சொல்லே தமிழில் பயன்படுத்தப்பட்டுள்ளது. வெவ்வேறு ஆட்சிப் பிரிவுகளாக காணப்பட்ட இலங்கை அந்நிய ஆட்சிலேயே ஒருங்கிணணைக்கப்பட்டது. ஒரு நாடாக்கப்பட்டது. அதற்கு முன்னர் வெவ்வேறு ஆட்சிகள் வெவ்வேறு தேசங்களாக காணப்பட்டுள்ளன. ஈழம் தமிழ் மன்னர்களாலும் ஆழப்பட்ட தீவு என்பதற்கு எல்லாள மன்னன் போன்றவர்கள் மிகச் சிறந்த வரலாற்று சாட்சியர்கள் ஆவர்.

இலக்கியங்களிலும் கல்வெட்டுக்களிலும் ஈழம் எனக் காணப்பட்டமைக்கு மிக நீண்ட பட்டியல்கள் அல்லது சான்றுகளை சமர்பிக்க முடியும். ஆனால் இப்போது இப் பத்தி வலியுறுத்த விரும்புவது, இச் சான்றுகளின் அடிப்படையில் ஈழம் என அழைக்கும் பழக்கத்தை நாம் ஒரு மரபாக்க வேண்டியுள்ளது. நாங்கள் நிறையவே ஈழம் எனச் செயற்பட்டுக் கொண்டாலும் சாதாரணமாக பேசும்போது இலங்கை அல்லது ஸ்ரீலங்கா என்ற சொல்லைப் பயன்படுத்துகிறோம். நம் அன்றாட வாழ்க்கையில் பேச்சிலும் எழுத்திலும் இலங்கை என்பதற்குப் பதிலாக ஈழம் என்ற சொல்லை நாம் பயன்படுத்துவது காலத் தேவை. ஈழம் என்ந சொல்லை அழிக்க நினைப்பவர்களுக்கு எதிரான ஒரு போராட்டமாக அது அமையும்.

இலங்கை அரசும், சிங்களப் பேரினவாதிகளும் அறிவுஜீவிகளாக வேடமிடும் இனவாதிகளும்கூட ஈழம் என்ற சொல்லை வரலாற்றிலிருந்து துடைக்கும் முயற்சிகளில் கடுமையாக ஈடுபடுகின்றனர். இதனால் நாம் ஈழம் என்ற சொல்லை எழுத்திலும் வாழ்விலும் விதைக்க வேண்டும். மாணவர்கள், எழுத்தாளர்கள், ஊடகவியலாளர்கள், அரசியல் தலைவர்கள் அனைவரும் இலங்கை அல்லது ஸ்ரீலங்கா என்ற சொல்லுக்குப் பதிலாக ஈழம் என்ற சொல்லைப் பயன்படுத்தி வருவது எமது இருப்பை பாதுகாக்கும்.

தமிழீழத்தை பிரிவினை என்பவர்கள், ஈழத்தை அப்பிடி சொல்ல முடியாது. சிலோன் அரசிற்கும் ஸ்ரீலங்கா அரசிற்கும் சில பத்து வருடங்கள்தான் வரலாறு இருக்கிறது. ஆனால் ஈழம் என்ற பெயருக்கு இரண்டாயிரம் வருடங்களுக்கு முற்பட்ட பழமை இருக்கிறது. இத் தீவிவை ஸ்ரீலங்கா என சிங்களத்தில் அழைக்கும் உரிமையை சிங்கள மக்களுக்கு மறுக்க முடியாதோ, அதே போன்றே ஈழம் என்று அழைக்கும் எம் பிறப்புரிமையை எவராலும் மறுக்க முடியாது.

கவிஞர் தீபச்செல்வன்

இதையும் படிங்க

தியாகத்தின் எல்லையை மீறிய திலீபன் | யூட் பிரகாஷ்

அன்புள்ள திலீபன் அண்ணாவிற்கு, நாளையுடன் நீங்கள் காவியமாகி 34 வருடங்கள் பறந்தோடி விட்டன. நீங்கள் கண்ட தமிழீழ கனவு...

ஒரு பத்திரிகையாளரும் பனங்காய்ப் பணியாரமும் | வீ. தனபாலசிங்கம்

யாழ்ப்பாணத்தில் இருந்து ஒரு பத்திரிகையாளர்.தினமும் இரவில் என்னுடன் கொழும்புக்கு தொலைபேசியில் தொடர்புகொண்டு பலதும் பத்தும் பேசுவார்.இன்றும் பேசினார். அவர்...

1985: இலங்கையில் இந்தியா | யூட் பிரகாஷ்

Sep 11….அமெரிக்காவிற்கு மட்டுமல்ல, இலங்கை கிரிக்கெட்டைப் பொறுத்தவரையிலும் ஒரு வரலாற்று முக்கியத்துவம் வாய்ந்த நாள். Sep 11, 1985ல்...

கொரோனாவைவிடவும் கொடூரமாக உருமாறும் கூட்டமைப்பு: சுட்டிக்காட்டும் அவதானிப்பு மையம்

கொரோனாவைிடவும் கொடூரமாக உருமாறி வரும் தமிழ் தேசியக் கூட்டமைப்பு, தமிழ் மக்களின் விடுதலைப் போராட்டத்திற்கும் இனவழிப்புக்கான நீதிக்கான...

மிச்சேல் பச்லற் அம்மையாரே! கிரிசாந்தி, இசைப்பிரியாக்களுக்கான நீதியை தருவீர்களா? | தீபச்செல்வன்

பெண்களுக்கு இழைக்கப்படுகிற அநீதிகள் ஒரு சமூகத்தின் வேரைத்தான் பாதிக்கின்றது. தாய்மொழியையும் பண்பாட்டையும் மனித சமூகத்திற்கு பரிமாற்றம் செய்கின்ற மகத்துவமான பெண்கள் ஒரு இனத்தின்...

பொதுமுடக்க நிலையிலும் வாழ்க்கையை முடக்கும் மதுபானக் கள்ளச் சந்தை!

குமார் சுகுணா  கொரோனா அச்சத்தால் மொத்த நாடும் முடங்கி கிடக்கிறது. நாடு என்று  சொல்ல முடியாது மொத்த உலகமுமே அச்சத்தில் சிக்கி தவித்துக்கொண்டிருக்கின்றது. கொரோனா  அலைகள்...

தொடர்புச் செய்திகள்

சுவடுகள் 03 | தடை தாண்டிய பயணங்கள் | டாக்டர் ரி. கோபிசங்கர்

இந்த பச்சை வயல்கள் நான் சுமக்கும் பசுமையான எண்ணங்கள், அங்கே அவர் சுமப்பது எனது எண்ணச்சுமைகளே, நான் திரும்பிப்பார்க்கும் வாழ்க்கை என்பதனால்...

மிச்சேல் பச்லற் அம்மையாரே! கிரிசாந்தி, இசைப்பிரியாக்களுக்கான நீதியை தருவீர்களா? | தீபச்செல்வன்

பெண்களுக்கு இழைக்கப்படுகிற அநீதிகள் ஒரு சமூகத்தின் வேரைத்தான் பாதிக்கின்றது. தாய்மொழியையும் பண்பாட்டையும் மனித சமூகத்திற்கு பரிமாற்றம் செய்கின்ற மகத்துவமான பெண்கள் ஒரு இனத்தின்...

தென்னிந்திய திரைத்துறையினுள் பாடலாசிரியராக கவிஞர் தீபச்செல்வன்

எழுதியவர் :வெற்றி துஷ்யந்தன் இயக்குனர் ரஞ்சித் யோசப்பின் இயக்கத்தில் வெளியான திரைப்படம்...

ஆசிரியர்

ஆசிரியரிடமிருந்து மேலும் பதிவுகள்

மன்னாரில் திலிபனின் நினைவேந்தலுக்கு தடை விதிக்க நீதிமன்றம் மறுப்பு

மன்னாரில் எதிர்வரும் 26 ஆம் திகதி தமிழீழ விடுதலைப் புலிகளின் உறுப்பினர் தீலிபனின்  நினைவேந்தல் நிகழ்வு ஒன்றை மேற்கொள்ள இருப்பதாக கூறி மன்னார் ...

தனிமைப்படுத்தல் உத்தரவை மீறிய 334 பேர் கைது

சுகாதார அமைச்சினால் பிறப்பிக்கப்பட்ட தனிமைப்படுத்தல் ஊரடங்கு உத்தரவினை மீறிய குற்றச்சாட்டுக்காக இன்று காலை 6.00 மணியுடன் நிறைவடைந்த கடந்த 24 மணிநேரப் பகுதியில்...

6 விக்கெட்டுகளால் பெங்களூருவை வீழ்த்தி மீண்டும் முதலிடத்தில் சென்னை

பெங்களூரு அணிக்கு எதிரான போட்டியில் சென்னை அணி 6 விக்கெட்டுகளினால் வெற்றி பெற்றுள்ளது. 2021 ஐ.பி.எல். தொடரில் நேற்றிரவு சார்ஜாவில்...

மேலும் பதிவுகள்

கறங்குபோல் சுழன்று | துவாரகன்

இந்தக் காலத்திற்குஎன்னதான் அவசரமோ?சுழலும் வேகத்தில்இழுத்து நடுவீதியில்வீசிவிட்டுப் போகிறது. என் வீட்டு நாய்க்குட்டிகள்கண்மடல் திறந்ததும்மல்லிகை மணம்வீசிமனத்தை நிறைத்ததும்சிட்டுக் குருவி வந்துமுற்றத்தில்...

நாட்டில் கொரோனா தொற்றால் மேலும் 82 பேர் உயிரிழப்பு

 நாட்டில் (நேற்று 23.09.2021) கொரோனா தொற்றால் மேலும் 82 பேர் உயிரிழந்துள்ளதாக அரசாங்க தகவல் திணைக்களம் தெரிவித்துள்ளது. இவ்வாறு உயிரிழந்துள்ளவர்களில் 51 ஆண்களும்...

நாடு திறந்த பின்னர் எவ்வாறு செயற்பட வேண்டும்? | இராணுவ தளபதி விளக்கம்

நாடு திறக்கப்பட்டதன் பின்னர் புத்தாண்டு காலப்பகுதியில் செயற்பட்டதனை போன்று செயற்பட வேண்டாம் என இராணுவ தளபதி ஷவேந்திர சில்வா பொது மக்களிடம் கேட்டுக்கொண்டுள்ளார்.

புரதச் சத்தின் முக்கியத்துவம் | ஹிரோஷன் ஜயரங்க

அதிகரித்துச் செல்லும் தனிநபர் வருமானம், இணையப் பாவனையின் முதிர்ச்சி மற்றும் சமூக வலைத்தளங்கள் போன்றவற்றினால் இலங்கையர்கள் மத்தியில் கடந்த இரு தசாப்த காலப்பகுதியில் புதுமையான மாற்றத்தை ஏற்படுத்தியுள்ளது என்றால் அது...

யாழில் பிறந்தநாள் கொண்டாட்டங்கள் | 35 பேருக்கு எதிராக நடவடிக்கை!

தனிமைப்படுத்தல் ஊரடங்குச் சட்டம் அமுலில் உள்ள நிலையில் அவற்றை  மீறி யாழ்.திருநெல்வேலியில் மற்றும் ஆனைக்கோட்டை பகுதிகளில் பிறந்தநாள் கொண்டாட்டம் நடத்திய 35 பேர்...

கவிதை | கொட்டுதல் ஒருமருந்து | த. செல்வா

என் குப்பைகளை எங்கேகொட்டுவதுகப்பலோடிய கடலின் கோடுகள் மறைவதைப்போல்நானும் மறந்தும் மறைந்தும் போகத் துடிக்கிறேன்இந்தக் குப்பைகள் விடுவதாயில்லைஎத்தனை தடவை மறக்கிறோமோஅத்தனை தடவையும் மறைந்து பிறக்கிறோம்பழைய...

பிந்திய செய்திகள்

டெல்லி கோர்ட்டில் துப்பாக்கி சூடு சம்பவம் குறித்து உச்சநீதிமன்ற தலைமை நீதிபதி கவலை!

புதுடெல்லி:தலைநகர் டெல்லியின் ரோஹினி பகுதியில் உள்ள நீதிமன்ற வளாகத்திற்குள் வழக்கறிஞர்கள் போல் நுழைந்த கும்பல், நேற்று மதியம் திடீரென துப்பாக்கிச்சூடு தாக்குதல் நடத்தியது. இதில், பல்வேறு குற்ற வழக்குகளில் தொடர்புடைய...

யாழில் வாள்வெட்டுத் தாக்குதல் நடத்திய சந்தேகநபர்கள் நால்வர் கைது!

யாழ்ப்பாணம்- மருதனார்மடம் சந்தியில் பழக்கடை நடத்துபவர் மீது கொலைவெறித் தாக்குதல் மேற்கொண்ட வன்முறைக் கும்பலைச் சேர்ந்த நால்வர் கைது செய்யப்பட்டுள்ளனர் என பொலிஸார் தெரிவித்துள்ளனர். மேலும்,...

வவுனியாவில் 806.4 மில்லி மீற்றர் மழை வீழ்ச்சி பதிவு!

வவுனியாவில் இந்த வருடம் ஜனவரி முதல் இன்று (சனிக்கிழமை) அதிகாலை 8 மணிவரையுடன் நிறைவடைந்த காலப்பகுதியில், 806.4 மில்லி மீற்றர் மழை வீழ்ச்சி பதிவாகியுள்ளது .

பதிவு செய்யப்படாத தனியார் சொத்துக்களை பதிவு செய்யுமாறு கொழும்பு மாநகரசபை அறிவிப்பு!

கொழும்பு மாநகரசபை எல்லைக்கு உட்பட்ட பகுதியில் வசிக்கும் பதிவு செய்யப்படாத தனியார் சொத்துக்களை பதிவு செய்யுமாறு உரிமையாளர்களுக்கு கொழும்பு மாநகரசபை அறிவித்துள்ளது. கொழும்பு மாநகர ஆணையாளர்...

மம்தா பானர்ஜி இத்தாலியில் நடக்கும் அமைதி மாநாட்டில் பங்கேற்க ஒன்றிய அரசு அனுமதி மறுப்பு..!

டெல்லி: மேற்கு வங்க முதல்வர் மம்தா பானர்ஜி இத்தாலியில் நடக்கும் அமைதி மாநாட்டில் பங்கேற்க ஒன்றிய அரசு அனுமதி மறுத்துள்ளது. இந்த ஆண்டு அக்டோபரில் இத்தாலியில் நடைபெறவுள்ள உலக அமைதி...

தமிழர் தாயக ஆக்கிரமிப்பை எடுத்துக்காட்டும் “தாய்நிலம்” ஆவணப்படும் இன்று வெளியீடு!

தமிழர் தாயகத்தில் இடம்பெறும் நில அபகரிப்பை எடுத்துக்காட்டும் ‘தாய்நிலம்’ என்ற ஆவணப்படம் இன்று சனிக்கிழமை லண்டன் நேரம் பிற்பகல் 1.00 மணி, டொரண்டோ மற்றும் நியுஜேர்சி நேரம் காலை 8...

துயர் பகிர்வு