முல்லைத்தீவு மாங்குளம் மல்லாவி வீதியில் மாங்குளம் நகர இறுதியில் உள்ள தேக்கங்காட்டுப் பகுதியில் மிதிவெடி அகற்றும் நடவடிக்கையில் ஈடுபட்டிருந்த pothu வெடிபொருள் வெடித்ததில் அதில் பணி செய்து கொண்டிருந்த ஒருவர் உயிரிழந்துள்ளதுடன் மற்றும் ஒருவர் காயமடைந்துள்ளார். என எமது முல்லைத்தீவு செய்தியாளர் தெரிவிக்கின்றனர்.
மிதிவெடி அகற்றும் தனியார் நிறுவனத்தில் பணிபுரியும் ஊழியர்கள் குறித்த பகுதியில் மிதிவெடி அகற்றும் நடவடிக்கையில் வழமை போன்று இன்றும் ஈடுபட்டிருந்த போது இந்த அனர்த்தம் நிகழ்ந்துள்ளது.
இதில் பாதிக்கப்பட்ட இருவரும் மாங்குளம் வைத்தியசாலைக்கு கொண்டு சென்ற போதும் அதில் ஒருவர் உயிரிழந்துள்ளதுடன் மற்றையவர் மேலதிக சிகிச்சைக்காக வவுனியா வைத்தியசாலைக்கு கொண்டு செல்லப்பட்டுள்ளார்.
கிளிநொச்சி பரவிபாஞ்சானை சேர்ந்த 28 வயதுடைய பத்மநாதன் திலீபன் என்ற நபரே இவ்வாறு உயிரிழந்துள்ளதுடன் ஓமந்தை பகுதியினை சேர்ந்த 25 வயதுடைய நிதர்சன் என்பவரே இவ்வாறு காயமடைந்துள்ளார்.
குறித்த நபரின் சடலம் மாங்குளம் வைத்தியசாலையில் வைக்கப்பட்டுள்ளதுடன் சம்பவம் தொடர்பில் மாங்குளம் பொலிஸார் விசாரணைகளை மேற்கொண்டு வருகின்றனர். (தவசீலன்)
