1
இந்தியாவின் ஸீ தமிழ்த் தொலைக்காட்சி நடத்திய ‘சரிகமப லிட்டில் சம்பியன்’ இசைப் போட்டியில் பங்கேற்று வெற்றி மகுடம் சூடிய ஈழத்து இசைக்குயில் கில்மிஷா உதயசீலனை ஜனாதிபதி ரணில் விக்கிரமசிங்க நேரில் சந்தித்துப் பாராட்டி மதிப்பளித்தார்.
நேற்று (04) யாழ்ப்பாணம் வந்த ஜனாதிபதி, மாலை கில்மிஷாவை நேரில் அழைத்துப் பாராட்டிக் கலந்துரையாடினார்.
நிகழ்வொன்றில் பங்கேற்பதற்காக கிஷ்மிஷா இந்தியாவுக்குப் பயணம் மேற்கொள்ளவுள்ளார். நாடு திரும்பிய பின்னர் கொழும்பில் வந்து தன்னைச் சந்திக்குமாறு கில்மிஷாவுக்கு இதன்போது ஜனாதிபதி அழைப்பு விடுத்துள்ளார்.
