சாவகச்சேரி ஆதார வைத்தியசாலையின் முன்னாள் வைத்திய அத்தியட்சகர் எஸ்.குமரவேல் மற்றும் புதிய வைத்திய அத்தியட்சகர் வைத்தியர் த.காண்டீபன் ஆகியோர் தலைமையில் நடைபெற்ற நிகழ்வில் பிரதம விருந்தினராக இலங்கைக்கான கனடா உயர்ஸ்தானிகர் எரிக் வாஸ் கலந்துகொண்டு வைத்திய உதவிப் பொருட்களைக் கையளித்தார்.
மேலும், நிகழ்வில் சிறப்பு விருந்தினர்களாக வடக்கு மாகாண சுகாதார சேவைகள் பணிப்பாளர் வைத்தியர் பத்திரன, யாழ். மாவட்ட சுகாதார சேவைகள் பணிப்பாளர் ஆ.கேதீஸ்வரன், செந்தில்குமரன் நிவாரண நிறுவன ஸ்தாபகர் டி.செந்தில்குமரன், யாழ். பல்கலைக்கழக மருத்துவ பீடம் மற்றும் போதனா மருத்துவமனையின் ஆலோசகர் வைத்தியர் ஆ.தங்கராஜா ஆகியோர் கலந்துகொண்டனர்.
மேற்படி, இரத்த சுத்திகரிப்பு இயந்திரங்களின் உதவியுடன் நாளாந்தம் 4 நோயாளர்களுக்கு இரத்த சுத்திகரிப்பு சேவையை வழங்க முடியும் என்று சாவகச்சேரி ஆதார வைத்தியசாலை நிர்வாகம் தெரிவித்தது.
