சர்கார் பட “சிம்ட்டாங்காரன்” பாடல் 24 மணி நேரத்தில் பெற்ற சாதனையை “விஸ்வாசம்” படத்தின் “அடிச்சி தூக்கு” பாடல் 3 மணி நேரத்தில் முறியடித்துள்ளது.
சிறுத்தை சிவா இயக்கத்தில் அஜித் நடிப்பில், வரும் பொங்கல் அன்று வெளிவரும் படம் “விஸ்வாசம்”. இந்தப் படத்தின் முதல் சிங்கிள் டிராக் “அடிச்சி தூக்கு” பாடல் சமீபத்தில் ரசிகர்களின் பெரிய எதிர்பார்ப்புக்கு மத்தியில் வெளியானது. இப்பாடல் யுடியூப்பில் பல சாதனைகளை புரிந்துள்ளது.
அதில் முக்கியமாக யுடியூப்பில் கடந்த மாதம் வெளியாகி வசூல் சாதனை படைத்த “சர்கார்” படத்தின் “சிம்ட்டாங்காரன்” பாடல் வெளியாகி 24 மணிநேரத்தில் 264k லைக்ஸ்களை பெற்றிருந்தது. ஆனால் இந்த லக்ஸ்களை எல்லாம் அடிச்சி தூக்கு பாடல் வெறும் 50 நிமிடங்களில் பெற்று அசத்தியுள்ளது.
மேலும் சிம்ட்டாங்காரன் ஹாஷ்டேக், பாடல் வெளிவந்த 24 மணிநேரத்தில் 221k முறை உபயோகிக்கப்பட்டிருந்தது. ஆனால் “அடிச்சி தூக்கு” ஹாஷ்டேக் 221k எண்ணிக்கையை வெறும் 3 மணி நேரத்தில் பெற்றுள்ளது.
