0
பிரித்தானியாவில் எக்ஸ் கோப்ரா வாரியர் 22 என்ற பெயரில் நடைபெறவுள்ள பன்னாட்டு விமானப்படை பயிற்சியில் இந்திய விமானப்படை பங்கேற்க உள்ளது.
இந்திய விமானப் படையின் இலக ரக போர் விமானமான தேஜஸ், பிரித்தானியா மற்றும் பிற முன்னணி நாடுகளின் விமானப் படைகளின் போர் விமானங்களுடன் இணைந்து பங்கேற்க உள்ளதாக அறிவிக்கப்பட்டுள்ளது.
விமானப் படைகள் பின்பற்றும் சிறந்த நடைமுறைகளைப் பகிர்ந்து கொள்வதன் மூலம், போர் திறனை அதிகரிக்கவும், நட்புறவை ஏற்படுத்தும் நோக்கிலும், இந்த போர்ப் பயிற்சி நடத்தப்படுகிறது.
இதற்காக 5 தேஜஸ் விமானங்கள் பிரித்தானியா செல்ல உள்ளதுடன், இதற்கு தேவையான போக்குவரத்து ஒத்துழைப்பை ஐஏஃப்சி-17 விமானம் வழங்கும் எனவும் தெரிவிக்கப்பட்டுள்ளது.
