ரயிலின் முன் பாய்ந்து யுவதியொருவர் இன்று காலை உயிரிழந்துள்ளார்.
கண்டியில் இருந்து பதுளை நோக்கிச் சென்ற இலக்கம் 20 சரக்கு ரயிலின் முன் பாய்ந்தே குறித்த யுவதி உயிரிழந்துள்ளார் என்று ஹட்டன் பொலிஸார் தெரிவித்துள்ளனர்.
தலவாக்கலை, டயகம பிரதேசத்தைச் சேர்ந்த கணபதி அனுஷா தர்ஷனி எனும் 28 வயதுடைய யுவதியே இவ்வாறு உயிரிழந்துள்ளார்.
உயிரிழந்த யுவதி ஹட்டன் நகரிலுள்ள தனியார் நிதி நிறுவனமொன்றில் பணிபுரிந்து வருகின்றார் எனவும், ஹட்டன் – பொன்னகர் பிரதேசத்தில் வசிக்கும் இளைஞன் ஒருவருடன் ஐந்து வருடங்களாக காதல் உறவில் ஈடுபட்டுள்ளார் எனவும் ஹட்டன் பொலிஸாரின் ஆரம்பகட்ட விசாரணையில் இருந்து தெரியவந்துள்ளது.
குறித்த யுவதி பதுளை நோக்கிப் பயணித்துக்கொண்டிருந்த ரயிலில் மல்லியப்பு சந்திப் பகுதியில் ரயில் முன் பாய்ந்து தற்கொலை செய்துகொண்டுள்ளார்.
இந்நிலையில், யுவதியின் சடலம் காதலனால் அடையாளம் காணப்பட்டுள்ளது எனவும், சடலம் பிரேத பரிசோதனைக்காக டிக்கோயா – கிளங்கன் ஆரம்ப வைத்தியசாலைக்கு அனுப்பி வைக்கப்பட்டுள்ளது எனவும் ஹட்டன் பொலிஸார் குறிப்பிட்டுள்ளனர்.
