உலக சாம்பியன்ஷிப் குத்துச்சண்டையில் ஆறாவது தங்கம் மேரிகோம்

0

உலக மகளிர் குத்துச்சண்டை போட்டியில், 6 வது முறையாகத் தங்கம் வென்று வரலாறு படைத்திருக்கிறார், இந்தியாவின் மேரிகோம்.

உலக மகளிர் சாம்பியன்ஷிப் குத்துச்சண்டை போட்டிகள் டெல்லியில் நடைபெற்று வருகின்றன. இந்தத் தொடரின் இறுதிப் போட்டியில், 48 கிலோ ஃப்ரீஸ்டைல் பிரிவில் இந்தியாவின் மேரிகோம், உக்ரைனின் ஹானா ஒகோடாவை எதிர்கொண்டார். 3 சுற்றுக்கள் முடிவில் 5:0 என்ற கணக்கில் மேரிகோம் வெற்றிபெற்றார்.

உலக சாம்பியன்ஷிப் குத்துச்சண்டை போட்டிகளில் மேரிகோம் வெல்லும் 6வது தங்கப்பதக்கம் இதுவாகும். இதன்மூலம், ஆண்கள் மற்றும் பெண்கள் என இரண்டு பிரிவுகளிலும் உலக சாம்பியன்ஷிப் குத்துச்சண்டை போட்டிகளில் அதிக தங்கம் வென்றவர் என்ற சாதனையை கியூபாவின் ஃபெலிக்ஸ் சாவோனுடன் மேரிகோம் பகிர்ந்து கொள்கிறார்.