Sunday, March 7, 2021

இதையும் படிங்க

வில்லன் நடிகரை அடையாளம் தெரியாத அளவிற்கு மாற்றிய மணிரத்னம்

பொன்னியின் செல்வன் படத்தை இயக்கி வரும் மணிரத்னம் வில்லன் நடிகரை அடையாளம் தெரியாத அளவிற்கு மாற்றி இருக்கிறார்.கடந்த 2004-ம் ஆண்டில் வெளியான 'எங்கள் அண்ணா' படத்தின் மூலம் தமிழ் சினிமாவில்...

பண்டாரத்தி..’யை ‘கண்டா வரச்சொல்லுங்க..’

சந்தோஷ் நாராயணன் இசையில், தனுஷின் நடிப்பில், 'கர்ணன்' படத்தில் இடம் பெற்றிருக்கும் 'பண்டாரத்தி..' எனத் தொடங்கும் இரண்டாவது பாடலும் வெளியாகி, சாதனை படைத்து வருகிறது. பரியேறும்...

சர்ச்சையை ஏற்படுத்திய பிரியா ஆனந்தின் கவர்ச்சி புகைப்படம்

தமிழில் வாமணன், எதிர் நீச்சல், வணக்கம் சென்னை, அரிமா நம்பி, வைராஜா வை, எல்.கே.ஜி உள்பட பல படங்களில் நடித்து இருக்கிறார் பிரியா ஆனந்த். நடிகைகள்...

முருங்கைக்காயை சாப்பிட்டால் இந்த பிரச்சனைகள் குணமாகும்!

காய்கறிகளில் முருங்கைக்காய்க்கு எப்போதும் முக்கிய பங்கு உண்டு. இந்த காயை அடிக்கடி உணவில் சேர்த்துக்கொள்வதால் என்னென்ன உடல் பிரச்சனைகள் தீரும் என்று அறிந்து கொள்ளலாம். காய்கறிகளில்...

அந்த படத்துக்கு அப்புறம் நான் மிகவும் அழகாகிவிட்டதாக சொல்கிறார்கள்!

ஒவ்வொரு படத்துக்குமே கதாபாத்திரத்துக்கு ஏற்றமாதிரி தோற்றத்தை மாற்றிக்கொள்ள கஷ்டப்பட்டுக்கொண்டே இருப்பதாக நடிகை அஞ்சலி தெரிவித்துள்ளார். ‘அங்காடி தெரு’ படத்தின் மூலம் பிரபலமான அஞ்சலி, எங்கேயும் எப்போதும்,...

பட வாய்ப்பு இல்லாததால் ஹன்சிகா எடுத்த அதிரடி முடிவு

ஒரு காலத்தில் பிசியாக நடித்துக் கொண்டிருந்த ஹன்சிகாவுக்கு தற்போது பட வாய்ப்புகள் இல்லாததால், அவர் அதிரடி முடிவு ஒன்றை எடுத்துள்ளாராம்.ஹன்சிகாதமிழ் திரையுலகில் அறிமுகமான குறுகிய காலத்திலேயே, விஜய், சூர்யா, தனுஷ்,...

ஆசிரியர்

“என் இசைக்கு என் மனசுல இருக்கிற சுத்தம்தான் காரணம்!” – இளையராஜா

கோடம்பாக்கம்தான் தமிழ் சினிமாவின் முகவரி. இப்பொழுது இளையராஜா ஸ்டூடியோதான் கோடம்பாக்கத்தின் முகவரி. வெளியே ‘இளையராஜா’ என்ற மந்திரச்சொல் பொன்னிறத்தில் தகதகக்கிறது. புது ஸ்டூடியோவின் உள்ளே நுழைந்தால் சில்லிடுகிற அமைதி. இங்கேதான் உணர்வையும் உயிரையும் ஒரு சொட்டு விடாமல் நம்மை இட்டு நிரப்பிய இளையராஜா இருக்கிறார். ‘உண்மையான சங்கீதம் என்பது இனிமையான குரலில் வழிந்தோடும் இசையல்ல, எண்ண ஓட்டத்தைத் தெளியவைத்து உணர்வையும் புத்தியையும் இணைக்கும் மந்திரம்’ என அவரே புரியவைக்கிறார். இசையும் தியானமும் இரண்டு கண்களில் ஒளிர, ஸ்டூடியோவின் உள்ளிருந்து மிதக்கும் வெள்ளைச் சிறகாக வெளியே வருகிறார். கிளைக்குத் திரும்பிய பூவாய், குழலை அடைந்த பாவாய், அன்னை மடி அமர்ந்தது போல் உட்கார்கிறார். கரைபுரளும் வெள்ளம் போன்ற கற்பனையின் நம்பமுடியாத இசைச்செறிவு கொண்டவரோடு நடந்தது இந்த உரையாடல்.

“என் இசைக்கு என் மனசுல இருக்கிற சுத்தம்தான் காரணம்!” - இளையராஜா

“உங்கள் பாடல்கள் ஆழ்ந்த மன நிம்மதியைத் தருகின்றன. இதை அடைய முடிகிற மாயநிலை என்ன?”

“சமயங்கள்ல எனக்கு எல்லாமே சாதாரணமாத்தான் இருக்கு. டைரக்டர் ஒரு இடம், சூழல் சொன்னதும் என்ன வருதோ அதுதான் அந்த இசையின் உச்சிப்புள்ளி. உங்களை மறந்த ஒரு நிலையில் கொண்டுபோய் நிறுத்தும். அந்தச் சமயம் மனசு காலியாக இருக்கும். இதெல்லாம் மாயம். அதுபற்றி எனக்கு எதுவும் தெரியாது. இன்னும் சொன்னால் எதையோ போடுகிறோம்… ஏதோ ஒண்ணு வருது. இப்படிச் சொன்னால்கூட உங்களுக்குப் புரியாது. என் மனசுக்கும் ரசிகன் மனசுக்கும் ஒரு பரிவர்த்தனை நடக்குதில்லையா, அதுதான் விஷயம்.

பலரும் டாக்டருக்குப் படிக்கிறாங்க. நமக்கு மருந்தும் கொடுக்கிறாங்க. ஆனால், ஒரு சிலர் கொடுக்கிற மருந்துதானே நல்லா வேலை செய்யுது! அது ஒரு சித்தி. வரப்பிரசாதம். என் இசை எவ்வளவு பேர் வாழ்க்கையில் ஊடுருவி விளையாடுதுன்னு தெரியுது. நான் கண்கூடாகப் பார்த்திருக்கிறேன்… கேட்டுக்கேட்டு எனக்கு சர்வசாதாரணமாய்ப் போச்சு. இதுக்கு நான்தான் காரணம்னுகூட நினைக்க முடியாது. எந்த முனைப்பும் இல்லாமல்தான் கம்போஸ் பண்றேன். இது இயற்கையா வருது. ஒருத்தருக்கு அமைதியைக் கொடுத்து, இன்னொருத்தரை ஆறுதல்படுத்தி தட்டிக் கொடுக்குது. தூங்கவே முடியாதவங்களை ஆற்றுப்படுத்தி வைக்குது. துரத்துற துக்கத்திற்கு வழி சொல்லுதுன்னு சொல்றாங்க. என் மனசில் இருக்கிற சுத்தம்தான் காரணம்.

‘சந்நிதிக்குப் போனாலும் கண்ணை மூடித் தெய்வத்திடம் வேண்டினாலும் மனசு எங்கயோ சுத்துது. உங்க பாட்டை மனசில் ஓட்டிப் பார்த்தால் நிம்மதி வருது’ன்னு சொல்றாங்க. திட்டமிட்டு எதையும் நான் செய்றதில்லை. திட்டம் போட்டு நடக்கணுங்கிறது நம்ம கையிலயா இருக்கு? எல்லாமே அன்னன்னிக்கு வந்த விஷயம்தான். தானா நிகழ்றதுதான். காற்றுப்போல, ஒளி மாதிரி என் இசை பரவிக்கிட்டே இருக்கிறதும், யாரையாவது எங்காவது போய் அடைஞ்சுக்கிட்டே இருக்கிறதும் சந்தோஷம்தான்.”

“பாடலின் தன்மை இப்படித்தான் இருக்கணும்னு இருக்கா?”

“இப்படித்தான் இருக்கணும்னு கம்போஸ் பண்றதில்லை. அலை இப்படி அடிக்கணும்னு நினைச்சு வருதா? குருவி பறக்கிறதும் திடீரென்று கிளையில் இருந்து எழும்பிப் போவதற்கும் ஷெட்யூல் வச்சிருக்கா? எல்லாமே தன்னெழுச்சியா நடக்குது. குருவி பறந்து போறதைப் பார்த்திருப்பீங்க. போன தடத்தை அடையாளம் காட்ட முடியுமா? இசை நிகழ்கிறபோது பதிவாவதால் திரும்பத் திரும்பக் கேட்டு ‘இது எப்படி’ன்னு ஆச்சர்யப்பட முடியுது.

ஒரு படைப்புன்னு ஒண்ணுதான் இருக்குது. அதைப்போன்ற இன்னொன்னு வரக்கூடாது. அதைச் செய்தால் அவன் போலி. அது பிரதிபிம்பம். ‘தென்றல் வந்து தீண்டும் போது’ ஒரு பாட்டு. அதுமாதிரி ஒண்ணுதானே இருக்கு. அதை யாரும் காப்பியடிக்க முடிஞ்சுதா? ‘சுந்தரி கண்ணால் ஒரு சேதி’ன்னு ஒரு பாட்டு. அது மாதிரி இன்னொரு பாட்டு இருக்கா? அதெல்லாம் சரித்திரம்.

அதை ரெக்கார்டு பண்ணும்போது அந்த டைரக்டருக்கு அதன் வேல்யூ தெரியாது. புரடியூசருக்குத் தெரியாது. ஹீரோவா நடிச்ச நடிகருக்கும் தெரியாது. முக்கியமா, பாடலுக்கு வாசித்த இசைக்குழுவிற்கும் தெரியாது.

நான் வந்தபோது இங்கே ரிக்கார்டிங் வேற மாதிரி இருந்தது. என் கற்பனையில் இருந்த இசை வேற. சீன் ஆரம்பித்தால் மியூசிக் ஆரம்பிச்சுடும். படம் முழுக்க, சீன் முழுக்க மியூசிக்கா இருந்தது. முதல் 15 படங்கள் அப்படித்தான் இருந்தது. அப்புறம் ‘16 வயதினிலே’ வர, அப்பாடான்னு இருந்தது. இடைவெளி விட்டு, மௌனத்திற்கு இடம் கொடுத்து வேற வடிவம் கொடுத்தேன். அப்படி என் கற்பனையில் இருந்த இசைதான் பின்னணியில் பேசப்பட்டது. ஒரு குளோசப் வரும்போது இயக்குநரால், நடிகரால் கொடுக்க முடியாததை இசையால் தரமுடியும். அந்த இசை மக்களைத் திரைக்குள் கொண்டு போயிடும். இதுதான் மத்தவங்க செய்ய முடியாத வேலை. அந்த வேலையை நான் செய்றேன்.

‘ஜனனி ஜனனி’ பாடலை இன்னும் சொல்லிக்கிட்டு இருக்காங்க. அ.ச.ஞானசம்பந்தம் அய்யா இதைக் கேட்டுட்டு, ‘குரல் கூட சுமாரா இருக்கு. ஆனால் என்னவோ பண்ணுது. அவருக்கு மூகாம்பிகை அருள் கொடுத்திருக்கு.அதில் ஆயிரத்தில் ஒரு பங்கையாவது எனக்குக் கொடுத்திருக்கக் கூடாதா’ன்னு சொல்லியிருக்கார். அந்தப் பாட்டு எங்கெங்கோ போய் தங்கிப் போயிடுச்சு. தமிழ்க்கடல் அ.ச. ஞானசம்பந்தமே இப்படிச் சொல்லமுடிஞ்சதுன்னா எனக்குப் பேறுதான்.”

“என் இசைக்கு என் மனசுல இருக்கிற சுத்தம்தான் காரணம்!” - இளையராஜா

“ஒரு பாடலில் பின்னணிக் குரலுக்கு என்ன பங்கு?”

“ஒரு வாத்தியக் கலைஞரும் பின்னணிப் பாடகரும் ஒண்ணுதான். இசையைப் படைச்சிட்டு வர்றோம். பின்னணி பாடுறாங்க. சொல்லிக் கொடுக்காம எப்படிப் பாடமுடியும்? அவங்க எந்தக் கற்பனைக்குள்ளும் நுழைவதில்லை. கவிஞர் பாட்டு எழுதுறார். பாடகர் உடனே பாடிட முடியுமா? பல டேக் போய் தவறுகளை சரி பண்ணியெடுத்த ஒரு டேக்கை மட்டும்தான் நீங்கள் கேட்குறீங்க. என்ன தவறு, எப்படி நடந்ததுன்னு எனக்குத்தான் தெரியும்.

‘தண்ணி கறுத்திருச்சு’ பாடலை முதலில் ஜி.கே.வெங்கடேஷைப் பாடவச்சேன். 75 டேக் போயும் சரியா வரலை. அவரால் ஞாபகம் வச்சுக்க முடியவில்லை. அடுத்த நாள் மலேசியா வாசுதேவனைப் பாடவச்சேன். கே.ஜே.யேசுதாஸ் மாதிரியானவங்ககிட்ட வேற ஒண்ணு நடக்கும். அவருக்கு நான் செலக்ட் பண்ணி பாடல் கொடுத்திருக்கேன். அது அப்படியே வரும். ஒண்ணு மாதிரி இன்னொன்னு இருக்காது. ‘சிந்துபைரவி’ பாட்டெல்லாம் அப்படித்தான் வந்தது.”

“ஆரம்பத்தில் கம்யூனிச பிரசாரம்… அப்புறம் மாடர்ன் டிரஸ், பெல்பாட்டம்ன்னு இருந்து பிறகு ஆன்மிகத்திற்கு… இந்த வாசல் திறந்தது எப்படி?”

“முதல் படத்திலேயே பெரிய பேர் கிடைக்க, அது என்னால் நடக்கலேன்னு ஆயிருச்சு. நான் காரணமே இல்லாம, வேறு எதுவோ இடையில் நடந்திருக்குன்னு புரிஞ்சுபோச்சு. உலகமே துச்சமாப் போனபின்னாடி தோற்றமென்னடான்னு ஆகிப்போச்சு. சந்நியாசிகளுக்கான மனோபாவம் வந்துடுச்சு. யாரையும் பொருட்படுத்துற தில்லை, உலக நிகழ்வுகளை உள்ளே வாங்கிக்கிறதில்லைன்னு ஒரு போக்கு வந்துருச்சு. இதுவரை மறைஞ்சிருந்த திரை விலகி உண்மை தெரியுது. உண்மை தெரிஞ்சதுமே இந்தப் பொய்யை யெல்லாம் கழட்டிவிட வேண்டிய தாயிருச்சு.”

“உங்கள் நண்பன் எஸ்.பி.பி பற்றி…”

“வெங்கட்ராவ் என்ற ஆந்திரப் பத்திரிகை நிருபர் மனைவி நடத்திவந்த நர்சரி பள்ளி விழாவிலதான் எஸ்.பி.பி எனக்கு அறிமுகமானார். ‘இசை நிகழ்ச்சி நடத்த பாலு வருகிறார். அதற்குப் பக்க வாத்தியம் வாசிப்பீங்களா’ன்னு என்னிடம் கேட்டார்கள். ஒப்புக் கொண்டேன். பாலு, ‘என்னோடு நிரந்தர இசைக் குழு அமைத்துப் பணியாற்ற வேண்டும்’ எனக் கேட்டுக்கொண்டார். ஆர்க்கெஸ்ட்ரா துணையோடு அவருக்கு இசைக் குழுவை அமைத்து நடத்தினோம். இருவரது ரசனையும் நெருங்கி வந்ததால், நெருங்கிய நண்பர்களானோம்.

“என் இசைக்கு என் மனசுல இருக்கிற சுத்தம்தான் காரணம்!” - இளையராஜா

இது இப்படியிருக்க, எல்லா மேடைகளிலும் பாரதிராஜாவும் பாலுவும் ‘பாரதிராஜாதான் பாலுவை இளையராஜாவுக்கு அறிமுகப்படுத்தினார்’ என ஏன் சொன்னார்கள் எனத் தெரியவேயில்லை. பிறகு எனது திருமணத்துக்கு வருமாறு பாலுவுக்கு அழைப்பு விடுத்தேன். அவர் வராததால் மிகவும் ஏமாற்றமாக இருந்தது. அது நெருக்கமாக இருந்த என் நட்பில் மாறுதலை ஏற்படுத்திவிட்டது.

அப்படி இருந்தாலும், ஜி.கே.வெங்கடேஷின் இசையமைப்பில் பல பாடல்களைப் பாட அவரை சிபாரிசு செய்தேன்.

ஆந்திராவில் ஒரு ஊரில் இசை நிகழ்ச்சிக்குச் சென்றபோது எல்லோரும் சேர்ந்திருந்தோம். நான் ஒன், டூ சொன்னபிறகுதான் பாடலை ஆரம்பிக்கணும். ஆனால், இசைக்குழுவில் இருந்த அத்தனை பேரும் என்னோடு சேர்ந்து ஒன், டூ சொல்ல ஆரம்பித்துவிட்டார்கள். இது எனக்குப் பெரிய அவமானமாகிவிட்டது. அதை பாலு கண்டிக்கலை. அதைப்பற்றிக் கேட்டதற்கு ஏனோதானோ என்று பதில் சொல்லியதால் மனமுடைந்து, அவருக்கு வாசிப்பதை நிறுத்திவிட்டேன். அந்த நிகழ்ச்சி என்னில் பெரும் பாதிப்பை ஏற்படுத்தியிருந்தது. அதனால் என் முதல் படத்தில்கூட பாலுவைப் பாடவைக்கவில்லை.

டி.எம்.எஸ் அப்போ பாப்புலராக இருந்தார். அவரைப் பாட வைத்தேன். அவர் ரொம்பப் பெரியவராக இருந்ததால், அவரைப் பக்கத்தில் அமரவைத்து பாட்டு சொல்லிக் கொடுப்பதோ, வேலை வாங்குவதோ சிரமமாக இருந்தது. குறைகளைச் சொல்ல முடியவில்லை. பாலு நெருங்கிய நண்பனாக இருந்ததால் நினைத்ததை சுலபமாகச் சொல்லி நன்றாக வேலைவாங்க முடிந்தது. அவருக்கு நிறைய பாடல்கள் கொடுத்தேன்.

பாலுவின் புகழுக்கு அந்தப் பாடல்கள் காரணமாக இருந்ததில் எனக்கு மகிழ்ச்சி. அவர் மிகவும் திறமையானவர். மக்கள் ஒருவரை வெறுமனே ஏற்றுக்கொள்ள மாட்டார்கள்… அந்த இடத்துக்குத் தகுதியானவர் பாலு. 1995க்குப் பிறகு அவர் எனக்கு நிறைய பாடல்கள் பாடவில்லை என்றாலும், எங்களின் நட்பு ஒரேமாதிரி இருந்தது. அவரது மறைவு இசை உலகிற்கு இழப்பு.”

“இசையின் உண்மையான தன்மையை எங்களுக்குச் சொல்ல முடியுமா!”

“அதையெல்லாம் ரத்தினச்சுருக்கமா சொல்ல முடியுமா! இசைங்கிறது உன்னதமான விஷயம். இதை அப்படித்தான் இப்படித்தான்னு மற்ற கலைகளோட ஒப்பிட முடியாது. ஆனா ஒரு கற்பனை… இப்ப நீங்க ஒரு பாட்டைக் கேட்கிறீங்க. அந்தப் பாட்டை பின்னாடியும் எதிர்காலத்திலும் கேட்பீங்க. அந்தப் பாடல் உருவான நேரத்துக்கு முன்னாடி எங்கேயிருந்துச்சு? கம்போஸ் பண்ணி உடனே பாடல் உருவாகி காற்றில் கலந்து மறைஞ்சு போயிடுது. ஒரு மந்திரச் சொல்லைத் திரும்பத் திரும்பச் சொல்லும்போது மந்திரம் ஆகுமே, அப்படித்தான் அந்தப் பாடலைத் திரும்பத் திரும்ப பாடும்போது அது முக்கியத்துவம் ஆகிறது. இப்ப பாடுவதற்கு முன்னால் அந்தக் கற்பனை எங்கே இருந்தது; எப்படி இருந்தது; எந்த வடிவத்தில் இருந்தது; எப்படி அந்தப் பாடலை உருவாக்கியவனைத் தூண்டிவிட்டு அது அதுவாக வெளிவந்தது; அது இவனை உருவாக்கியதா அல்லது இவனைத் தூண்டிவிட்டு பாடலை உருவாக்க வைத்ததா? அற்புதம்ல… இதெல்லாம் இப்பவே பேசி முடிக்கிற விஷயம் இல்லை. பிறகு பேசலாம்…” – உரையாடலை நிறுத்தி விடைதருகிறார் இளையராஜா.

அவர் நம் தலைமுறையின் மொத்தக் காலத்திற்கான கனவின் உயிர் என்பதில் சந்தேகமே இல்லை!

நன்றி : விகடன் .

இதையும் படிங்க

டானியல் பாலாஜி வெளியிட்ட ‘இனி’ | ஈழக் குறும்படம்! | திரைப்படம் இணைப்பு

இனி என்ற ஈழக் குறும்படத்தை தென்னிந்தியாவின் முன்னணி நடிகர் டானியல் பாலாஜி வெளியிட்டுள்ளார். ஈழத்தை சேர்ந்த இளம்...

‘அண்ணாத்த’ என் கடைசி சினிமாவாக இருந்துவிடக்கூடாது” கலங்கிய ரஜினி

டிசம்பர் 15-ம் தேதி தொடங்கிய ஷூட்டிங் 10 நாட்களுக்குள்ளாகவே நிறுத்தப்பட்டு ரஜினி மருத்துவமனையில் அனுமதிக்கப்பட்டார். 'அண்ணாத்த' படத்தின் ஷூட்டிங்...

திருமணம் பெண்களுக்கு அவசியமான ஒன்றா?

பிறந்தநாள் விழாவில் கலந்துக் கொண்ட நடிகை வரலட்சுமி சரத்குமார் செய்தியாளர்களின் கேள்விக்கு கோபப்பட்டு இருக்கிறார்.தமிழ் சினிமாவில் பல படங்களில் ஒப்பந்தம் ஆகி பிசியாக நடித்து வருபவர் நடிகை வரலட்சுமி சரத்குமார்....

எஸ் ஜே சூர்யா மீண்டும் கலக்கிய ‘நெஞ்சம் மறப்பதில்லை’ | திரைவிமர்சனம்

நடிகர்எஸ் ஜே சூர்யாநடிகைநந்திதாஇயக்குனர்செல்வராகவன்இசையுவன் சங்கர் ராஜாஓளிப்பதிவுஅரவிந்த் கிருஷ்ணா கிறிஸ்தவ தேவாலயத்தில் உள்ள ஆசிரமத்தில் வளர்ந்தவர் ரெஜினா. இதனால் தான்...

அதில் அவர் கில்லாடி | அஜித்தை புகழும் பிரபல நடிகை

வலிமை படத்தில் நடித்துள்ள அஜித் படப்பிடிப்பின் போது பிரபல நடிகைக்கு பைக் ஓட்ட கற்றுக் கொடுத்துள்ளார்.ஹூமா குரேஷி - அஜித்அஜித் நடிப்பில் தற்போது வலிமை திரைப்படம் உருவாகி உள்ளது. ஹெச்.வினோத்...

ரசிகர்களுக்கு நன்றி சொன்ன பூர்ணா

தனது சமூக வலைத்தள பக்கத்தில் நேரலையில் கலந்துக் கொண்ட நடிகை பூர்ணா ரசிகர்களுக்கு நன்றி தெரிவித்துள்ளார்.நடிகை பூர்ணாவை இன்ஸ்டாகிராமில் பின் தொடரும் ரசிகர்கள் எண்ணிக்கை 10 லட்சத்தை எட்டி உள்ளது....

தொடர்புச் செய்திகள்

உலகத்தையே தன் இசையால் வசமாக்கிய எஸ் பி பாலசுப்ரமணியம்

ஸ்ரீபதி பண்டிதாரத்யுல பாலசுப்ரமணியம் என்ற இயற்பெயர் கொண்டுள்ள இவர், இந்திய சினிமாவில் எஸ். பி. பாலசுப்ரமணியம் என்ற பெயரின் மூலம் அறியப்படுகிறார். இந்திய சினிமாவில் புகழ் பெற்ற இசை பாடகராகவும், இசையமைப்பாளராக பணியாற்றி பல...

இளையராஜா வின் பக்கம் சிறு பார்வை

பாரதிராஜாவுடன் சேர்ந்து நடத்திய நாடகம் இளையராஜா வர்ணித்த "மலரும் நினைவுகள்'' சிறு வயதில் நண்பர்களாகப் பழகிய பாரதிராஜாவும், இளையராஜாவும், நாடகம் நடத்தினார்கள். இதில் பாரதிராஜாதான் "ஹீரோ''!...

முக்கியமில்லாத விஷயம் ;அதை பற்றி யோசிப்பதில்லை – ஸ்ருதிஹாசன்

பிரபல நடிகையாக இருக்கும் சுருதி ஹாசன் கொரோனா ஊரடங்கு நேரத்தை வீட்டு வேலை, சமையல், இசை என்று வீணாக்காமல் கழிக்கிறேன். கதை, கவிதையும் எழுதுகிறேன். எனக்கு கனவு பாத்திரம் எதுவும் இல்லை. ஆனாலும்...

ஆசிரியர்

ஆசிரியரிடமிருந்து மேலும் பதிவுகள்

வன்னியின் மூன்று கிராமங்களின் கதைத்தொடர்ச்சி – பகுதி 26 | பத்மநாபன் மகாலிங்கம்

முன்னர் எட்டாம் வகுப்பில் சித்தி அடைந்தவர்களுக்கு கனிஷ்ட பாடசாலை சான்றிதழும் (Junior school certificate, J.S.C), பத்தாம் வகுப்பில் சித்தி அடைந்தவர்களுக்கு சிரேஷ்ட பாடசாலை சான்றிதழும் (Senior school certificate,...

உயிர்க் கவிதை | கவிதை | சிவநாதன்

உயிர் உள்ள சொற்கள்தேடி உயிர் விட்டுக்கொண்டிருந்ததொருகவிதை மனவெளியில்எண்ணச்சருகுகள்அங்கங்கேசிதறிக் கிடைக்க தனிமைக் கதவின்தாழ்ப்பாள் திறந்துநினைவெனும்தாழ்வாரங்களில்நிலையில்லாது வழியும்ஞாபக...

பெண்களே கோபம் வராமல் தடுக்க வழிமுறைகள்!

கணவனின் கோமாளித்தனத்தை மனைவி மறந்தால் தான் இல்லறம் நல்லறமாகும். அதே போல் மனைவியின் முட்டாள் தனத்தை மறந்தால் தான் அங்கு அன்பு துளிர்க்க...

மேலும் பதிவுகள்

பிந்திய செய்திகள்

சாதார தரப் பரீட்சையில் ஆள்மாறாட்டம் செய்தவர் கைது

கல்விப் பொதுத் தராதர சாதாரதரப் பரீட்சையின்போது பரீட்சார்த்தியாக ஆள்மாறாட்டம் செய்து, பரீட்சை எழுதுவதற்காக அமர்ந்த குற்றச்சாட்டுக்காக ஒருவர் வலஸ்முல்லை பகுதியில் ஒருவர் கைதுசெய்யப்பட்டுள்ளார்.

டானியல் பாலாஜி வெளியிட்ட ‘இனி’ | ஈழக் குறும்படம்! | திரைப்படம் இணைப்பு

இனி என்ற ஈழக் குறும்படத்தை தென்னிந்தியாவின் முன்னணி நடிகர் டானியல் பாலாஜி வெளியிட்டுள்ளார். ஈழத்தை சேர்ந்த இளம்...

தமிழ், முஸ்லிம் அடிப்படைவாதம் தலைதூக்க அரசாங்கம் இடமளிக்காது – ஜனாதிபதி

தமிழ் அடிப்படைவாத, பிரிவினைவாத பயங்கரவாதமும் இஸ்லாம் மதவாத அடிப்படைவாதமும் தலைதூக்க தமது அரசாங்கம் இடமளிக்காது என ஜனாதிபதி கோட்டாபய ராஜபக்‌ஷ குறிப்பிட்டார். கிராமத்துடன் கலந்துரையாடல் வேலைத்திட்டத்தின்...

வைத்தியரின் வீடு புகுந்து தாக்குதல் நடாத்திய குற்றசாட்டில் மூவர் கைது

வவுனியா, வைரவபுளியங்குளம் பகுதியில் உள்ள வைத்திய தம்பதிகளின் வீட்டுக்குள் புகுந்த இனந்தெரியாத நபர்கள் தாக்கியதில் வைத்தியர்களான கணவனும், மனைவியும் காயமடைந்து வவுனியா வைத்தியசாலையில் அனுமதிக்கப்பட்டுள்ள சம்பவம் கடந்த 1ஆம் திகதி...

மட்டக்களப்பு – ஓட்டமாவடியில் 17 கோரோனா சடலங்கள் அடக்கம்!

மட்டக்களப்பு – ஓட்டமாவடியில் நேற்று வரையில் 17 கோரோனா சடலங்கள் அடக்கம் செய்யப்பட்டுள்ளன. கடந்த வெள்ளிக்கிழமை முதல் குறித்த பகுதியில் சடலங்களை அடக்கம் செய்யும் நடவடிக்கைகள்...

முடக்க கட்டுப்பாடுகளில் இருந்து விடுவிக்கப்பட்டது அக்லாந்து!!

கொரோனா தொற்றின் புதிய மாறுபாடு அடையாளம் காணப்பட்டதை அடுத்து அமுலுக்கு வந்த முடக்க கட்டுப்பாடுகளில் இருந்து நியூசிலாந்தின் மிகப் பெரிய நகரமான அக்லாந்து இன்று (ஞாயிற்றுக்கிழமை) விடுவிக்கப்படவுள்ளது.

துயர் பகிர்வு