“ரணில் விக்கிரமசிங்க ஜனாதிபதி அல்ல; அவர் ஒரு சர்வாதிகாரி. அதை அவர் தனது நடவடிக்கைகள் மூலம் நாள்தோறும் வெளிப்படுத்தி வருகின்றார்.”
– இவ்வாறு தேசிய மக்கள் சக்தியின் தலைவர் அநுரகுமார திஸாநாயக்க எம்.பி. தெரிவித்தார்.
இரத்தினபுரியில் நடைபெற்ற தேர்தல் பிரசாரக் கூட்டத்தில் உரையாற்றும் போதே அவர் மேற்கண்டவாறு கூறினார்.
அவர் மேலும் தெரிவித்ததாவது:-
“தேர்தல் பிரசாரக் கூட்டங்களில் தேசிய மக்கள் சக்தியின் ஆதரவாளர்களின் அலையைக் கண்டு ரணில் – ராஜபக்ச கூட்டணியினரும், சஜித் பிரேமதாஸ அணியினரும் கதிகலங்கி நிற்கின்றனர்.
இந்நிலையில், ஜனாதிபதி ரணில் விக்கிரமசிங்க அரசமைப்பையும், சட்டங்களையும் மீறி தேர்தலை ஒத்திவைக்க முயல்கின்றார்.
தேர்தலை ஒத்திவைக்குமாறு கோரிக்கை விடுத்த எதிரணி எம்.பிக்களின் விபரங்களை ஜனாதிபதி ரணில் விக்கிரமசிங்க உடனடியாக வெளிப்படுத்த வேண்டும்” – என்றார்.
