“யானைக்குத்தன்பலம் தெரியாது” என்பது தமிழ்ப்பழமொழி. உனது அல்லது உனது இனத்தின் பலம் எத்தகையது என்பதை சிலநேரங்களில் உன்னை விட உனது எதிரியே அதிகம் அறிந்திருப்பான். அரசியல் – பொருளாதார நோக்குநிலையில் தமிழர்களுக்கு இது பொருத்திப் போகின்றது.
உலகத்தமிழர்களின் கூட்டுப்பலத்தைப்பற்றி சிங்கள தேசத்தின் முன்னாள் ஜனாதிபதி ஜே.ஆர்.ஜெயவர்த்தனா 1984 ம் ஆண்டு கூறிச் சென்ற வாக்கியம் தான் இந்தக் கட்டுரையின் தலையங்கமாக உள்ளது.
யூத நலன்களை மையப்படுத்தி அழுத்தக்குழுக்களை உருவாக்கினார்கள். உலகத்தமிழர்களின் கூட்டுப் பலத்தை தமிழர்கள் சரியாக விளங்கிக் கொள்ளவில்லை என்பதை ஏற்றுத்தான் ஆகவேண்டும். கல்விப்பாரம்பரியத்தைப் பின்புலமாகக் கொண்டு உலகெங்கும் பரந்து வாழும் தமிழர்களின் அறிவுசார் சக்தி எதிர்காலத்தில் எப்படி ஒருபெரும் அரசியல் – பொருண்மிய சக்தியாக பரிணமிக்க வாய்ப்புள்ளது என்று அனுமானத்தை வைத்தே இந்தக் கருத்தை அவர் கூறியிருக்கவேண்டும். அவர் இதை 1984 ல் கூறும்போது புலம்பெயர் தமிழ்ச்சமூகம் இன்று இருப்பதுபோல் பெரிதாக அன்று உருவாகியிருக்கவில்லை. அவ்வாறாயின் எதை மனதில் வைத்து இந்தக் கருத்தைச் சொன்னார்.
யூதர்கள் என்ற அடையாளத்தை வைத்து ஒன்று திரண்டார்கள். உலகெங்கும் யூதர்களும் சிதறி வாழ்ந்தார்கள். சிதறி வாழ்ந்தாலும் தாங்கள் வாழும்நாடுகளில் கல்வியில் வர்த்தகத்தில் ஆதிக்கம் செலுத்தினார்கள். இப்போது குறிப்பாக.உலகெங்கும்வாழும் தமிழர்களின் இரண்டாம் மூன்றாம் தலைமுறைகள் அந்தந்த நாடுகளின் மொழியை. கசடறக் கற்று கணணி.மருத்துவம். சட்டம்.வங்கி நிர்வாகங்கள்.அரசியல்.என்று பல்வேறு துறைகளிலும் கால்பதித்திருப்பதுடன்.செல்வந்தர்களாகவும் இருக்கிறார்கள்.
இவ் விதம் தனது அறிவுத்திறன் மற்றும் பொருண்மிய பலத்தை திசைமாற்றி தமக்கான அரசியல் ஆதாயங்களை உருவாக்கினார்கள். இதன் மூலம் உலகெங்கும் சிதறி வாழ்ந்தாலும் சக்திமிக்க சர்வதேச சிறுபான்மை இனமாக பரிணமித்திருந்தார்கள் என்ற உண்மையை தமிழ் மக்களுக்கும் பொருத்திப் பார்த்து அந்தக்கருத்திற்கு வந்திருக்கலாம். இந்தக் கணிப்பில் உண்மை உண்டு.
அதே சமயம் கால ஓட்டத்தில் உலகத்தமிழர்களின் அரசியல் அபிலாசைகளை நிலைநிறுத்தும் ஆளுமைகொண்ட அரசியல் பொருளாதார கூட்டமைப்பாக விரிவாக்கம் பெறும் என்ற நம்பிக்கை தமிழ் உணர்வாளர்களிடம் உண்டு. இந்த நிலையில்.ஒருங்கிணைப்பு இல்லாமல் சிதறிக் கிடக்கும் இந்த மூலதனங்களை( மனிதவளம்) ஒருங்கு சேர்த்து ஒருகட்டமைப்பாக உருவாக்க எடுத்த முயற்சி சாலப்பொருத்தமானதாகும். தமிழ் மொழியின் வரலாற்றுத் தாயகமான தமிழ் நாட்டிலும். தமிழ் ஈழத்திலும் தாய்மொழிக்கான அச்சுறுத்தல் என்பது குறைவு.ஆனால் மலேஷியா. சிங்கப்பூர் உட்பட உலகின் ஏனைய பகுதிகளில் வாழும் தமிழர்களின் தாய்மொழிப் பயன்பாடு என்பது அச்சத்தை கொடுக்கும் வகையிலேயே உள்ளது.
இந்த விடயத்தில் தான் நாங்கள் ஒரு சவாலுக்கு முகம் கொடுக்க வேண்டும். இந்த கூட்டுப் பொருண்மியக்கட்டமைப்பில் இணைந்து கொள்ளும் தொழில் முனைவோர்கள் – மற்றும் வர்த்தகர்கள் தங்களுக்குள் கருத்துப்பரிமாறி தமது வியாபார நலன்களை விரிவுபடுத்தும் அதேவேளை தமிழ்மக்கள் பலரின் குடும்பபொருளாதாரமும் மேம்படும் சூழல் உருவாகும். இந்தப் பொருண்மியக்கட்டமைப்பின் அடையாளம் என்பது தமிழ். முன்னர் ஆங்கிலேயர்களால் உருவாக்கப்பட்டிருந்த கிழக்கிந்திய கம்பனியில் தொடங்கி இன்றுள்ள உலகவங்கி. IMF . ஆசிய அபிவிருத்தி வங்கி போன்றவை பொருண்மிய நிதிக்கட்டமைப்புகளாகவே இருந்தன.
அதேவேளை. இந்த நாடுகளில் தமிழ் மொழிக்கல்விக்கான திட்டங்களை உருவாக்கி இயங்கச்செய்வதையும் இக் கட்டமைப்பு தனது கடமைகளில் ஒன்றாக வரித்துக் கொள்ள முடியும். உலகத்தமிழர்களின் இந்தக் கூட்டு பொருண்மியக்கட்டமைப்பு இதையும் கவனத்தில் கொள்ள வேண்டிய தேவையுள்ளது. தமிழ்மொழிதான். இந்த அடையாளம் பாதுகாக்கப்படவேண்டும். என்பதில் மாற்றுக்கருத்துக்கள் இருக்க முடியாது. இந்த நாடுகளில் குறிப்பாக மேலைத்தேய நாடுகளில் வாழும் தமிழர்களில் இங்கே பிறந்து வளரும் பிள்ளைகளுடைய தாய்மொழிப் பயன்பாடு நலிவடைந்து வருகின்றது.
அதற்காக இந்தப் பொருண்மியக்கட்டமைப்பின் கலந்துரையாடல்கள் தமிழ் மொழியில் அமையும்படி பார்த்துக்கொள்வது பயன் தரும் விடயமாக இருக்கும். இன்னும் சில சந்ததிகள் கடக்கும் போது தமிழ் மொழிப் பயன்பாடு அழிவடைந்து விடுமோ என்ற அச்சமும் நிலவுகின்றது. ஆனால் அவை தமக்கான அரசியல் தேவைகளை அடைந்து கொள்ளும் ஆளுமைகளை இந்த கட்டமைப்புகள் மூலம் வைத்திருந்தன. வைத்திருக்கின்றன. இந்த தமிழ் பொருண்மிய கட்டமைப்பு கட்சி அரசியல்களுக்கும் மதநம்பிக்கைகழுக்கும் அப்பால் அதேசமயம் எல்லோரையும் அரவணைத்து நடுநிலைமை யுடன் ” தமிழர்கள்” என்ற அடித்தளத்துடன் இயங்குகின்றது மிகசிறப்பாகும்.
உலகெங்கும் சிதறி வாழ்ந்த( இன்று தமிழர்களைக் போல்)யூதமக்களுக்கென 19 ம் நூற்றாண்டின் முற்பகுதியில் அவர்கள் உருவாக்கியிருந்த யூத வங்கி பின்னர் இஸ்ரேல் என்றொரு யூததேசத்தை நிறுவ எப்படி முக்கிய பங்களிப்பு செய்ததோ. அதேபோல இந்த தமிழ் பொருண்மிய கட்டமைப்பும் உலகத்தமிழரின் அரசியல் நலன்களை பேண உதவும் ஒரு அரசியல் பொருண்மிய கட்டமைப்பாக வளர்ந்து வரலாற்றில் நிலைக்க உழைக்க வேண்டும்.
பொருண்மிய தளத்திலும் அறிவு தளத்திலும் ஆதிக்கம் செலுத்தும் தமிழர்கள் உலகெங்கும் பரவி வாழ்கின்றார்கள்.இவர்களின் பொருண்மியபலமும்.தொழில்முறைகள் சார்ந்த நிபுணத்துவ அறிவும் இந்த கூட்டுபொருண்மியகட்டமைப்பில் இணைந்து கொள்வதால் உலகத்தமிழர்களின் வாழ்க்கை வளமானதாகமாறும்.தமிழ் மொழியும் நீண்ட ஆயுளுடன் சிம்மாசனத்தில் நிலைத்திருக்க இந்த மாநாடு வழியமைக்கும்.
தமிழ் மகன்
