0
கிளிநொச்சி- புனித திரேசா ஆலயம் முன்பாகவுள்ள ஏ 9 வீதியில் இடம்பெற்ற விபத்தில் குடும்பஸ்தர் ஒருவர் உயிரிழந்துள்ளதாக பொலிஸார் தெரிவித்துள்ளனர்.
நேற்று (சனிக்கிழமை) இடம்பெற்ற இந்த விபத்தில், கிளிநொச்சி நகர் பகுதியை சேர்ந்த 25 வயதுடைய சிறிதரன் சந்திரசேனன் என்ற ஒரு பிள்ளையின் தந்தையே உயிரிழந்துள்ளார்.
கிளிநொச்சி நகர் நோக்கி பயணித்த மோட்டார் சைக்கிள் கப்ரக வாகனத்தை முந்தி செல்ல முற்பட்ட வேளையில் வேக கட்டுப்பாட்டை இழந்து வீதியின் நடுப்பகுதியிலுள்ள கல்லில் மோதி விபத்துக்குள்ளானது.
குறித்த சம்பவத்தில் காயமடைந்த மோட்டார் சைக்கிளில் பயணித்தவரை சிகிச்சைக்காக வைத்தியசாலையில் அனுமதித்தப்போதும் சிகிச்சை பலனின்றி உயிரிழந்ததாக பொலிஸார் குறிப்பிட்டுள்ளனர்.
இந்நிலையில் கிளிநொச்சி பொலிஸார் மேலதிக விசாரணைகளை முன்னெடுத்துள்ளமை குறிப்பிடத்தக்கது.
