மாயி படத்தில் மின்னல் கதாபாத்திரத்தில் நடித்த பிரபலமான நடிகை தீபா எளிமையாக திருமணம் செய்து கொண்டுள்ளார்.
சமீப காலமாக கொரோனா வைரஸ் அச்சுறுத்தல் காரணமாக பிரபலங்களின் திருமணங்கள் எளிமையாக நடைபெற்று வருகிறது. அவர்களுக்கு நெருக்கமானவர்கள் கூட சமூக வலைதளங்களின் மூலமே வாழ்த்து தெரிவிக்கும் நிலையுள்ளது.
இந்நிலையில் சரத்குமார் நடிப்பில் வெளியான மாயி படத்தில் வடிவேலுக்கு பெண் பார்க்கும் நகைச்சுவைக் காட்சியில் நடித்த தீபாவுக்கு எளிமையாக திருமணம் நடைபெற்றுள்ளது. இவரின் திருமண புகைப்படங்கள் தற்போது சமூக வலைத்தளத்தில் வேகமாக பரவி வருகிறது.
மாயி படத்தில் நடித்ததை அடுத்து திரைத்துறையினரால் மின்னல் தீபா என்றும் அழைக்கப்பட்டு வருகிறார். ஏராளமான படங்களில் நடித்திருக்கும் நடிகை மின்னல் தீபா தொலைக்காட்சித் தொடர்களிலும் நடித்து வருகிறார்.
