இந்தி நடிகர் அர்ஜூன் கபூருக்கு கொரோனா

இந்தி நடிகர் அர்ஜூன் கபூருக்கு கொரோனா வைரஸ் தொற்று உறுதி செய்யப்பட்டுள்ளது.

இந்தி நடிகர் அர்ஜூன் கபூருக்கு கொரோனா

பிரபல இந்தி நடிகர்களில் அர்ஜூன் கபூரும் ஒருவர். இவர் பிரபல பட தயாரிப்பாளர் போனி கபூரின் மகன் ஆவார். 

இந்தியில் வெளியான இஸ்க்ஜாடே, அவுரங்கசீப், குண்டே, 2 ஸ்டேட்ஸ், ஹீ அண்டு ஹா உள்ளிட்ட பல்வேறு படங்களில் நடித்தவர் அர்ஜூன் கபூர். 

இந்நிலையில், தனக்கு கொரோனா தொற்று உறுதி செய்யப்பட்டுள்ளதாக அர்ஜூன் கபூர் தெரிவித்துள்ளார். இந்த தகவலை தனது அதிகாரப்பூர்வ இன்ஸ்டாகிராம் பக்கத்தில் அர்ஜூன் கபூர் வெளியிட்டுள்ளார்.

மேலும், அறிகுறிகள் இல்லாமல் கொரோனா தொற்று உறுதி செய்யப்பட்டுள்ளதாகவும், தன்னைத்தானே வீட்டில் தனிமைப்படுத்திக் கொண்டுள்ளதாகவும் அர்ஜூன் கபூர் தெரிவித்துள்ளார்.

முன்னதாக பாலிவுட் நடிகர் அமித்தாப் பச்சனின் குடும்ப உறுப்பினர்களுக்கு கொரோனா தொற்று உறுதி செய்யப்பட்டிருந்தது என்பது குறிப்பிடத்தக்கது. 

ஆசிரியர்