இந்திய கிரிக்கெட் வீரர் ஒருவர் விஜய் நடிப்பில் வெளியான மாஸ்டர் படத்தில் இடம்பெற்ற பாடலுக்கு மைதானத்தில் நடனமாடியிருக்கிறார்.
இந்தியா மற்றும் இங்கிலாந்து அணிகளுக்கு இடையே சென்னை சேப்பாக்கம் மைதானத்தில் நடைபெற்ற இரண்டாவது டெஸ்ட் போட்டியில் இந்திய அணி இன்று அபாரமாக வெற்றி பெற்றது.
இந்த போட்டியில் 2-வது இன்னிங்சில் அபாரமாக சதம் அடித்ததோடு முதல் இன்னிங்சில் 5 விக்கெட்டுகளையும், இரண்டாவது இன்னிங்சில் 3 விக்கெட்டுகளையும் வீழ்த்திய தமிழகத்தை சேர்ந்த அஸ்வின் ஆட்டநாயகனாக தேர்வு செய்யப்பட்டார். அவருக்கு வாழ்த்துக்கள் குவிந்து வருகிறது.
இந்த நிலையில் இந்திய அணி வெற்றி பெறும் நிலையில் இருந்த போது மைதானத்தில் இருந்த அஸ்வின், விஜய்யின் ’மாஸ்டர்’ படத்தில் இடம்பெற்ற ‘வாத்தி கம்மிங்’ பாடலுக்கு விஜய் போலவே நடனம் ஆடி இருக்கிறார். இந்த வீடியோ தற்போது வைரலாகி வருகிறது.
