பிக்பாஸ் நிகழ்ச்சி மூலம் ஏராளமான ரசிகர்களை பெற்ற நடிகர் கவின் நடித்து வரும் படத்தில் பிரபல நடிகர் முக்கிய கதாபாத்திரத்தில் நடிக்கிறார். ‘சரவணன் மீனாட்சி’ என்ற சீரியலில் நடித்து பிரபலமானவர் கவின். இதையடுத்து படங்களில் சிறிய கதாபாத்திரங்களில் நடித்து வந்த கவின், ‘நட்புன்னா என்னானு தெரியுமா’ படத்தின் மூலம் தமிழ் சினிமாவில் நாயகனாக அறிமுகமானார்.
அதைத்தொடர்ந்து பிக்பாஸ் 3 சீசனில் கலந்து கொண்ட கவின் ஏராளமான ரசிகர்களைப் பெற்றார். பின்னர் வினீத் இயக்கத்தில் லிப்ட் என்ற படத்தில் நடித்துள்ளார் கவின். இந்தப் படத்தில் அவருக்கு ஜோடியாக அம்ரிதா நடிக்கிறார். ஈகா என்டர்டெயின்மெண்ட் நிறுவனம் தயாரித்திருக்கும் இந்தப் படத்தின் பர்ஸ்ட் லுக் போஸ்டர் வெளியாகி ரசிகர்களிடையே நல்ல வரவேற்பை பெற்றது.
இந்நிலையில், இப்படத்தில் முன்னணி நடிகராக இருக்கும் சிவகார்த்திகேயன் முக்கிய கதாபாத்திரத்தில் நடித்திருப்பதாக தகவல்கள் வெளியாகியுள்ளது.