ஐ.பி.எல். ரி-20 தொடரின் 32ஆவது லீக் போட்டியில், மும்பை இந்தியன்ஸ் அணியும், கொல்கத்தா நைட்ரைடர்ஸ் அணியும் பலப்பரீட்சை நடத்தவுள்ளன.
அபுதாபியில் இன்று (வெள்ளிக்கிழமை) இரவு 7.30மணிக்கு நடைபெறவுள்ள இப்போட்டியில், மும்பை அணிக்கு ரோஹித் சர்மாவும், கொல்கத்தா அணிக்கு தினேஷ் கார்த்திக்கும் தலைமை தாங்கவுள்ளனர்.
இரு அணிகளும் இதுவரை 26முறை மோதியுள்ளன. இதில் 20முறை மும்பை அணியும், கொல்கத்தா அணி 6 முறையும் வெற்றிபெற்றுள்ளன.
இரு அணிகளும் நடப்பு தொடரில் முன்னதாக மோதிய போட்டியில், மும்பை இந்தியன்ஸ் அணி 49 ஓட்டங்களால் வெற்றிபெற்றது.
ஆகவே இப்போட்டியில் கொல்கத்தா அணி பதிலடி கொடுக்கும் முனைப்பிலும், மும்பை அணி புள்ளிபட்டியலில் முதலிடத்திற்கு முன்னேறும் ஆர்வத்திலம் மோதவுள்ளன.