Thursday, March 28, 2024

செய்திகள்

புகைப்படத் தொகுப்பு

Home செய்திகள் களமிறங்கிய முதல் போட்டியிலேயே அவுஸ்திரேலியாவை மிரட்டிய தமிழன்

களமிறங்கிய முதல் போட்டியிலேயே அவுஸ்திரேலியாவை மிரட்டிய தமிழன்

2 minutes read
களமிறங்கிய முதல் போட்டியிலேயே அவுஸ்திரேலியாவை மிரட்டிய தமிழன்

இந்திய அணிக்காக தனது முதல் ரி 20 போட்டியை அவுஸ்திரேலியாவுக்கு எதிராக விளையாடிய நடராஜன் மூன்று விக்கெட்களை வீழ்த்தி அசத்தியுள்ளார்.

அவுஸ்திரேலியா – இந்தியா இடையிலான முதல் டி20 கிரிக்கெட் போட்டி கான்பெர்ராவில் நடைபெற்றது. அவுஸ்திரேலியா நாணய சுழற்சியை வென்று பந்து வீச்சை தேர்வு செய்தது. இந்திய அணியில் டி நடராஜன் அறிமுகம் ஆனார்.

கேஎல் ராகுல் 51 ஓட்டங்களும், கடைசியில் களம் இறங்கிய ஜடேஜா 23 பந்தில் 44 ஓட்டங்களும் விளாச இந்தியா நிர்ணயிக்கப்பட்ட 20 ஓவரில் 7 விக்கெட் இழப்பிற்கு 161 ஓட்டங்கள் குவித்தது.

பின்னர் 162 ஓட்டங்கள் அடித்தால் வெற்றி என்ற இலக்குடன் அவுஸ்திரேலியா களம் இறங்கியது. ஆர்கி ஷார்ட், ஆரோன் பிங்ச் ஆகியோர் தொடக்க வீரர்களாக களம் இறங்கினர்.

இந்திய வீரர்கள் சிறப்பாக பந்து வீசினர். குறிப்பாக ஜடேஜாவுக்குப் பதிலாக மாற்று வீரராக களம் இறங்கிய சாஹல் அசத்தினார்.

அவுஸ்திரேலியா 7.4 ஓவரில் 56 ஓட்டங்கள் எடுத்திருக்கும்போது முதல் விக்கெட்டை இழந்தது. ஆரோன் பிஞ்ச் 26 பந்தில் 35 ஓட்டங்கள் எடுத்து ஆட்டமிழந்தார். அவரை சாஹல் வீழ்த்தினார். அடுத்து வந்த ஸ்மித்தையும் (12) சாஹல் வெளியேற்றினார்.

4-வது வீரராக களம் இறங்கிய அதிரடி வீரர் மேக்ஸ்வெல்-ஐ 2 ஓட்டங்கள் எடுத்த நிலையில், நடராஜான் எல்.பி.டபிள்யூ மூலம் வெளியேற்றினார். அப்போது அவுஸ்திரேலியா 10.3 ஓவரில் 75 ஓட்டங்கள் எடுத்திருந்தது. இதனால் அவுஸ்திரேலியா தடம் புரண்டது.

ஹென்ரிக்ஸ் 30 ஓட்டங்களும், ஆர்கி ஷார்ட் 34 ஓட்டங்களும், மிட்செல் ஸ்வெப்சன் 12 ஓட்டங்களும் அடிக்க அவுஸ்திரேலியா அணியால் 7 விக்கெட் இழப்பிற்கு 150 ஓட்டங்களே அடிக்க முடிந்தது. இதனால் இந்தியா 11 ஓட்டங்கள் வித்தியாசத்தில் வெற்றி பெற்றது.

சாஹல் 25​ ஓட்டங்கள் விட்டுக்கொடுத்து 3 விக்கெட்டும், டி நடராஜன் 30 ஓட்டங்கள் விட்டுக்கொடுத்து 3 விக்கெட்டும் வீழ்த்தினர். வாஷிங்டன் சுந்தர் 16 ஓட்டங்கள் மட்டுமே விட்டுக்கொடுத்தார்.

இந்த வெற்றியின் மூலம் இந்தியா 3 போட்டிகள் கொண்ட தொடரில் 1-0 என முன்னிலைப் பெற்றது.

சினிமா

விமர்சனம்

கட்டுரை

வணக்கம் இலண்டன்

Vanakkam London – Sri Lanka, London and world Latest Breaking News and Headlines

@2013 – 2024 | Vanakkam London | All Rights Reserved.

This website uses cookies to improve your experience. We'll assume you're ok with this, but you can opt-out if you wish. Accept Read More