தேவையான பொருட்கள்:
மேகி நூடுல்ஸ் – 1 பாக்கெட்
வேக வைத்த உருளைக்கிழங்கு (தோல் நீக்கியது) – 2
வெங்காயம் – 1
ப. மிளகாய் – 3
தேங்காய் துருவல் – 1/4 கப்
கேரட் – 2
மிளயாய் தூள் – அரை தேக்கரண்டி
மேகி மசாலா
உப்பு, எண்ணெய் – தேவையான அளவு
கறிவேப்பிலை, கொத்தமல்லி – தேவையான அளவு
செய்முறை:
வெங்காயம், ப.மிளகாய், கொத்தமல்லியை பொடியாக நறுக்கிகொள்ளவும்.
கேரட்டை துருவிக்கொள்ளவும்.
கடாயில் சிறிது எண்ணெய் விட்டு மேகி நூடுல்ஸை உதிர்த்து போட்டு பொன்னிறம் ஆகும் வரை வறுக்கவும்.
பின்னர் மசித்து வைத்த உருளைக்கிழங்கை மேகி உடன் போட்டு கிளறவும்.
இப்போது வெங்காயம், ப. மிளகாய், கேரட் துருவல், கறிவேப்பிலை சேர்த்து 3 நிமிடங்கள் வரை வதக்கவும்.
இந்த கலவையை ஒரு பௌலில் போட்டு அதில் உப்பு, மிளகாய் தூள், தேங்காய் துருவல், மேகி மசாலா, கொத்தமல்லி சேர்த்து நன்கு கிளறவும்.
இப்பொழுது இந்த மசாலாவை சிறு சிறு உருண்டைகளாக பிடித்து வைக்கவும்.
கடாயை அடுப்பில் வைத்து எண்ணெய் ஊற்றி சூடானதும் செய்து வைத்த உருண்டைகளை வடைபோல் தட்டி சூடான எண்ணெயில் போட்டு பொன்னிறம் ஆனதும் எடுக்கவும்.
இப்பொழுது சூடான சுவையான மேகி வடை தயார்.
நன்றி | மாலை மலர்
